2014 جىلى ىشكى ىستەر ورگاندارى قىزمەتكەرلەرىنىڭ بەلگىلى ءبىر ساناتىنا تۇرعىن ءۇيدى جالداۋعا (جالعا الۋعا) ارنالعان وتەماقى تولەمدەرى قۇقىعى بەرىلدى. باستاپقى كەزەڭدە 6 مىڭنان استام پوليتسيا قىزمەتكەرى وسى قۇقىققا يە بولدى.
2019 جىلى ءتىزىم پاترۋلدىك پوليتسيا لاۋازىمدارىمەن جانە ۋچاسكەلىك ينسپەكتورلارمەن (ونىڭ ىشىندە كامەلەتكە تولماعاندار ىستەرى بويىنشا) تولىقتىرىلدى. سول كەزدەگى قىزمەتكەرلەردىڭ جالپى سانى 9 مىڭنان استام ادامدى قۇرادى.
بيىل 1 قاڭتاردان باستاپ تۇرعىن ءۇي تولەمدەرىن الۋعا قۇقىعى بار لاۋازىمدار ءتىزىمىن ۋچاسكەلىك پوليتسيا ينسپەكتورلارىنىڭ كومەكشىلەرى, ارنايى مەكەمەلەر مەن ايداۋىل قىزمەتىنىڭ, مامانداندىرىلعان كۇزەت جانە كينولوگيالىق بولىمشەلەردىڭ, قىلمىستىق-اتقارۋ جۇيەسى سوتتالعاندارىنىڭ مەديتسينالىق بولىمشەلەرى مەن ەڭبەكتى ۇيىمداستىرۋ بولىمشەلەرىنىڭ, كەزەكشى بولىمدەردىڭ جانە جەدەل باسقارۋ ورتالىقتارى قىزمەتكەرلەرى تولىقتىردى. وسىلايشا, تۇرعىن ۇيگە مۇقتاج پوليتسەيلەر سانى تاعى 8364 بىرلىككە ۇلعايتىلدى.
قازىرگى ۋاقىتتا بۇل سان 27,5 مىڭ قىزمەتكەرگە دەيىن ءوستى.
2021 جىلعى 1 ساۋىردە مەملەكەت باسشىسى زاڭ قابىلدادى, وعان سايكەس ءىىو قىزمەتكەرلەرى ءۇشىن تۇرعىن ءۇي تولەمدەرىنىڭ تەتىگى اسكەري قىزمەتشىلەرمەن ۇقساس بەلگىلەندى. بۇل تەتىك بويىنشا قىزمەتتىك مىندەتتەرىن ورىنداۋ كەزىندە قازا تاپقان جانە جاراقات العان قىزمەتكەرلەردىڭ وتباسىلارىنا تولەمدەردى ساقتاۋ جونىندەگى زاڭنامالىق نورما كوزدەلگەن.
– قازىرگى ۋاقىتتا تۇرعىن ۇيگە مۇقتاج پوليتسيا قىزمەتكەرلەرىنىڭ 70%-دان استامى وسىنداي تولەمدەرمەن قامتاماسىز ەتىلگەن. قازىر «وتباسى بانكى» باسقارماسىمەن ەكىجاقتى كەلىسىم جاساسۋ ماسەلەسى پىسىقتالۋدا, بۇل پوليتسەيلەرگە بانكتىڭ ارنايى تۇرعىن ءۇي باعدارلامالارىنا قاتىسۋعا جانە ولار ءۇشىن قولايلى شارتتارمەن تۇرعىن ءۇي الۋعا مۇمكىندىك بەرەدى, – دەپ حابارلادى قر ىشكى ىستەر ءمينيسترىنىڭ ورىنباسارى مۇرات بايمۇقاشەۆ.
