ونىڭ ايتۋىنشا, بالقاش كولىندەگى سۋ كولەمىنىڭ 70% ىلە وزەنى ارقىلى كەلەدى. الايدا, وزەننىڭ قالىپتى اعۋ جىلدامدىعى سەكۋندىنا 400-500 تەكشە مەتردى قۇراۋى ءتيىس بولسا, قازىر بۇل كورسەتكىش سەكۋندىنا 306 تەكشە مەترگە دەيىن ازايعان. مۇنىڭ باستى سەبەپتەرىنىڭ ءبىرى – كورشى مەملەكەت اۋماعىنداعى سۋ كولەمىنىڭ جەتكىلىكتى مولشەردە اعىپ كەلمەۋىندە. سونىمەن قاتار, سەناتور بالقاش كولىنىڭ جاعدايىنا جاۋاپ بەرەتىن مەملەكەتتىك ورگانداردىڭ جۇمىسىندا بىرىزدىلىكتىڭ جوقتىعىن اتاپ ءوتتى. سوڭعى 14 جىلدا كولدى زەرتتەۋ بويىنشا كەشەندى زەرتتەۋلەر ءىس جۇزىندە جۇرگىزىلمەگەن. سوندىقتان كولدەگى سۋ دەڭگەيىنىڭ وزگەرۋى تۋرالى ستاتيستيكا جوق. سەناتوردىڭ پىكىرىنشە, جۇمىستاعى مۇنداي ءتاسىل بولاشاقتا ەكولوگيالىق اپاتقا اكەلۋى مۇمكىن.
«ىلە وزەنىن ۇتىمدى پايدالانۋعا قاتىستى كەلىسىمدى ەلىمىز مۇددەسىنە ساي كەلەتىندەي ەتىپ ودان ءارى پىسىقتاۋدى, بالقاش كولىن كەلەشەك ءۇشىن ساقتاۋ بويىنشا ناقتىلانعان ارنايى جوسپار ازىرلەۋدى, ىلە وزەنى ارقىلى كولگە قۇيىلاتىن سۋ مولشەرىن ارتتىرىپ, ۇنەمدەۋ ءۇشىن وزەنگە سالىنعان گيدرومەليوراتيۆتىك جۇيەلەردى قايتا جاڭارتۋدى سۇرايمىز», دەدى دەپۋتات.
