ايماقتار • 02 جەلتوقسان، 2021

اقتاۋدى بەزەندىرۋگە 24 ملن تەڭگە جۇمسالدى

129 رەت كورسەتىلدى

قالانى مەملەكەتتىك مەرەكەلەردە بەزەندىرۋگە 24 579 568 تەڭگە بولىنگەن، دەپ حابارلايدى Egemen.kz mangystaumedia.kz سايتىنا سىلتەمە جاساپ.

بيىل 27 ءساۋىر كۇنى «اقتاۋ قالالىق تۇرعىن-ءۇي كوممۋنالدىق شارۋاشىلىعى ءبولىمى» مەملەكەتتىك ساتىپ الۋ پورتالىنا قالانى مەرەكە كۇندەرى بەزەندىرۋگە ارنالعان كونكۋرس جاريالاعان.

اشىق دەرەككوزىنە سۇيەنسەك، كونكۋرسقا ءوتىنىم قابىلداۋ 5 مامىر كۇنى باستالىپ، 20 مامىر كۇنى اياقتالعان. 15 كۇن ىشىندە بار-جوعى 2 ءوتىنىش كەلىپ تۇسكەن.

م

ناتيجەسىندە، قالانى بەزەندىرۋ جۇمىسىن 24 000 000 تەڭگەگە باعالاعان «اكتاۋ رrint» مەردىگەر مەكەمەسى جەڭىمپاز اتاندى. ەندى مەكەمە 31 جەلتوقسانعا دەيىنگى مەملەكەتتىك مەرەكەلەردە قالانى كوركەيتە تۇسەدى.

ايتا كەتەيىك، 1 جەلتوقسان – تۇڭعىش پرەزيدەنت كۇنىنە وراي قالانى بەزەندىرۋ جۇمىسى 25-28 قاراشا ايىندا جۇرگىزىلدى. ال 16 جەلتوقسان – تاۋەلسىزدىك كۇنى قارساڭىندا بەزەندىرۋ جۇمىستارى 10 جەلتوقساندا باستالىپ، ءۇش كۇننەن كەيىن اياقتالۋى ءتيىس.

بيىلعى بەزەندىرۋدىڭ تەحنيكالىق ەرەكشەلىكتەرىنە شولۋ جاسايىق. مەردىگەر مەكەمەنىڭ جاۋاپكەرشىلىگىندە براندماۋەر دايىنداۋ، بيلبوردتاردى باننەرمەن بەزەندىرۋ، كەرمەلى باننەرلەردى دايىنداۋ جانە ورناتۋ جۇمىستارى بار. سونىمەن قاتار 104 تۋتۇعىرعا جوندەۋ جۇرگىزۋ، ساليۋت جانە ودان باسقا كارزەڭكەلەردى جوندەۋ، تۋتۇعىرلارعا تۋ ءىلۋ، 18 تۋتۇعىرلى كارزەڭكەنى بەزەندىرۋ، 11 دانا «ساليۋت» كارزەڭكەسىن بەزەندىرۋ، 6 لەد ەكرانعا بەينەروليك شىعارۋ سىندى جۇمىس جۇكتەلگەن.

بۇعان دەيىن مەردىگەر مەكەمە تەحنيكالىق ەرەكشەلىكتەرگە ساي 1 مامىر – قازاقستان حالىقتارىنىڭ بىرلىگى كۇنى، 7 مامىر – وتان قورعاۋشىلار كۇنى مەن 9 مامىر – جەڭىس كۇنى، 6 شىلدە – استانا كۇنى، 30 تامىز –قر كونستيتۋتسيا كۇنى قارساڭىندا قالانى بەزەندىرگەن.

ايماقتىق باسىلىم تىلشىلەرى بيىل «اقتاۋ قالالىق تۇرعىن-ءۇي كوممۋنالدىق شارۋاشىلىعى ءبولىمى» قالانى 8 ناۋرىز – حالىقارالىق ايەلدەر كۇنى مەن 21-23 ناۋرىز مەرەكەسى قارساڭىندا بەزەندىرۋگە 4 699 856 تەڭگە بولگەنىن جازعان. ال 2019 جىلى ءدال وسى مەرەكەگە 7 864 000 تەڭگە جۇمساعانىن انىقتادى.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار