ەلوردادا 2 جەلتوقساندا تۇستەن كەيىن كوكتايعاق بولادى. كۇندىز وڭتۇستىكتەن ەكپىنى سەكۋندىنا 18 مەتر جەل سوعادى.
قوستاناي وبلىسىنىڭ سولتۇستىك-باتىسىندا, شىعىسىندا كوكتايعاق, تۇمان, بۇرقاسىن كۇتىلەدى. وڭتۇستىك, وڭتۇستىك-باتىستان سەكۋندىنا 15-20 مەتر جىلدامدىقپەن جەل سوعادى.
اقتوبە وبلىسىنىڭ سولتۇستىك جارتىسىندا كوكتايعاق ساقتالادى.
قىزىلوردا وبلىسىنىڭ ورتالىعىندا باتىستان سەكۋندىنا 15-20 مەتر جىلدامدىقپەن جەل سوعادى.
باتىس قازاقستان وبلىسىنىڭ سولتۇستىك-باتىسىندا تۇمان, كوكتايعاق بولادى, تۇندە وبلىستىڭ باتىسىندا ەكپىنى سەكۋندىنا 15-20 مەتر جەل سوعادى.
2 جەلتوقساندا تاڭەرتەڭ جانە كۇندىز تۇركىستان وبلىسىنىڭ باتىسى مەن سولتۇستىگىندە شاڭدى داۋىل سوعادى. وڭتۇستىك, وڭتۇستىك-باتىستان تاڭەرتەڭ جانە كۇندىز باتىستا, سولتۇستىكتە, تاۋلى جانە تاۋ بوكتەرىندەگى اۋدانداردا جەلدىڭ جىلدامدىعى 15-20, تاۋلى اۋدانداردا سەكۋندىنا 23 مەترگە جەتەدى.
كۇندىز قاراعاندى وبلىسىنىڭ باتىسىندا كوكتايعاق بولادى. وبلىستىڭ وڭتۇستىگىندە تۇمان تۇسەدى. وڭتۇستىكتەن, وڭتۇستىك-شىعىستان, وبلىستىڭ باتىس جارتىسىندا جىلدامدىعى سەكۋندىنا 15-20, ەكپىنى 23 مەتر جەل سوعادى.
پاۆلودار وبلىسىنىڭ وڭتۇستىگىندە وڭتۇستىكتەن جەل سوعادى, ەكپىنى سەكۋندىنا 15-20 مەتر بولادى.
ماڭعىستاۋ وبلىسىنىڭ سولتۇستىگىندە جانە ورتالىعىندا تۇمان, كوكتايعاق كۇتىلەدى. سولتۇستىك-باتىستان جەل سوعادى, تۇندە وبلىستىڭ باتىسى مەن ورتالىعىندا ەكپىنى سەكۋندىنا 15-20 مەترگە جەتەدى.
2 جەلتوقساندا تاڭەرتەڭ جانە كۇندىز اقمولا وبلىسىنىڭ سولتۇستىك-باتىسىندا, وڭتۇستىك-شىعىسىندا كوكتايعاق, بۇرقاسىن بولادى. تۇندە جانە تاڭەرتەڭ وبلىستىڭ شىعىسىندا تۇمان تۇسەدى. وبلىستىڭ سولتۇستىك-باتىسىندا, وڭتۇستىك-شىعىسىندا جەل سەكۋندىنا 15-20 مەتر جىلدامدىقپەن سوعادى.
