سپورت • 30 قاراشا، 2021

شۆەيتسارياداعى قىسقى ۋنيۆەرسيادا وتكىزىلمەيتىن بولدى

38 رەت كورسەتىلدى

حالىقارالىق ستۋدەنتتىك سپورت فەدەراتسياسى (FISU) قىسقى ۋنيۆەرسيادانىڭ وتكىزىلمەيتىنىن حابارلادى، دەپ جازادى Egemen.kz.

جارىستار بۇعان دەيىن 2021 جىلدىڭ قاڭتار ايىنان كەيىنگە شەگەرىلىپ، 11-21 جەلتوقسان ارالىعىندا وتكىزۋ جوسپارلانعان بولاتىن. شۆەيتساريا بيلىگى COVID-19 وميكرون-شتامى تابىلعان بىرنەشە مەملەكەتكە ەلگە كىرۋگە شەكتەۋ قويدى. ۋنيۆەرسيادانى وتكىزبەۋ تۋرالى شەشىم FISU مەن ستۋدەنتتىك ويىنداردى ۇيىمداستىرۋ كوميتەتىنىڭ كەزدەسۋىندە قابىلداندى.

«شۆەيتسارياعا جانە بۇكىل الەمگە كىرۋ شەكتەۋلەرىنە بايلانىستى ءبىز 2021 جىلعى قىسقى ۋنيۆەرسيادانى وتكىزبەۋ تۋرالى شەشىم قابىلداۋعا ءماجبۇرمىز. FISU اتىنان مەن بۇل سپورتتىق ءىس-شارانى وتكىزۋ ءۇشىن ايانباي ەڭبەك ەتكەن ۇيىمداستىرۋ كوميتەتىنە العىس بىلدىرگىم كەلەدى»،  دەدى FISU پرەزيدەنتىنىڭ مىندەتىن اتقارۋشى لەونتس ەدەر.

سوڭعى جاڭالىقتار

ۇقساس جاڭالىقتار