34 جاستاعى فۋتبولشى ءوزىنىڭ باستى قارسىلاستارى روبەرت لەۆاندوسكي مەن جورجينودان داۋىس سانى بويىنشا باسىم ءتۇستى. جەتىنشى مارتە توپ جارعاننان كەيىن مەسسي تولقىپ تۇرىپ ءسوز سويلەدى.
«مەن كەزەكتى مارتە وسى جەردەن تابىلعانىم ءۇشىن باقىتتىمىن. جاڭا جەڭىستەرگە جەتۋ جولىندا بارىمدى سالاتىن بولامىن. ارينە, مەن ەندى قانشا جىل مانسابىمدى جالعاستىراتىنىمدى بىلمەيمىن. الايدا جاسىل الاڭدا ۇزاق ۋاقىت دوپ تەپكىم كەلەدى. «بارسەلونا», «پسج», ارگەنتينا ۇلتتىق قۇراماسىندا وينايتىن ارىپتەستەرىمە زور العىسىمدى ايتامىن. ۇلتتىق قۇرامامەن امەريكا كۋبوگىن ۇتىپ العانىما بەك قۋانىشتىمىن.
لەۆوندوۆسكيمەن باسەكەلەس بولۋ مەن ءۇشىن مارتەبە ەكەنى راس. روبەرت, سەن التىن دوپتى وتكەن ماۋسىمدا يەلەنۋگە ءتيىس بولاتىنسىڭ. ونى ءبارى مويىندايدى. France Football سول ماراپاتتى ساعان تاپسىرۋى كەرەك. سەن – جەڭىمپازسىڭ. سوندىقتان سەنىڭ دە التىن دوبىڭ بولعانى دۇرىس», دەدى مەسسي ءوز ويىن تۇيىندەپ.
