يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, ەنەرگەتيكا ءمينيسترى ماعزۇم مىرزاعاليەۆ, اۋىل شارۋاشىلىعى ءمينيسترى ەربول قاراشوكەەۆ, «بايتەرەك» ۇبح» اق باسقارما توراعاسىنىڭ ورىنباسارى ءادىل مۇحامەدجانوۆ, قوستاناي وبلىسىنىڭ اكىمى ارحيمەد مۇحامبەتوۆ, اتىراۋ وبلىسىنىڭ اكىمى ماحامبەت دوسمۇحامبەتوۆ, اقتوبە وبلىسىنىڭ اكىمى وڭداسىن ورازالين, قاراعاندى وبلىسىنىڭ اكىمى جەڭىس قاسىمبەك بايانداما جاسادى.
مەملەكەت باسشىسى قاسىم-جومارت توقاەۆتىڭ جولداۋىنا جانە «Nur Otan» پارتياسىنىڭ باعدارلاماسىنا سايكەس, ۇكىمەت الدىنا 2025 جىلعا قاراي وڭدەۋ ونەركاسىبى ءوندىرىسىن 1,5 ەسەگە ۇلعايتۋ مىندەتى قويىلدى.
سالادا وڭ ديناميكا قالىپتاستى. بيىلعى جىلدىڭ 10 ايىندا سالادا 5,3%-عا ءوسىم قامتاماسىز ەتىلدى.
جايرەم جانە اقتوعاي تكبك قۋاتىن كەڭەيتۋ, التىن شىعارۋ فابريكاسى مەن فەرروقورىتپا زاۋىتىن, ماشينا جاساۋ وندىرىستەرىن سالۋ جونىندەگى ءىرى جوبالاردى ىسكە اسىرۋ ەسەبىنەن نەگىزگى كاپيتالعا سالىنعان ينۆەستيتسيالاردىڭ 78,6%-عا 1,2 ترلن تەڭگەگە دەيىن ايتارلىقتاي وسۋىنە قول جەتكىزىلدى.
ءوندىرىس كولەمىنىڭ ەڭ كوپ ءوسۋى فارماتسەۆتيكادا 33,6%-عا, ماشينا جاساۋدا 19,5%-عا, قۇرىلىس ماتەريالدارى وندىرىسىندە 9,3%-عا, حيميا ونەركاسىبىندە 6,5%-عا, ازىق-ت ۇلىك ونىمدەرى وندىرىسىندە 3,6%-عا بايقالدى.
بيىل مۇناي-گاز حيمياسى سالاسىندا تەحنيكالىق گاز بەن وكتان كوتەرەتىن قوسپا شىعاراتىن زاۋىتتار پايدالانۋعا بەرىلدى, سونداي-اق پوليپروپيلەن ءوندىرۋ زاۋىتى (93%) اياقتالۋ ساتىسىندا تۇر.
بيىل مۇناي-گاز ماشيناسىن جاساۋدى دامىتۋدىڭ حالىقارالىق ورتالىعى قۇرىلدى, ول تاۋارلار ءوندىرىسىن جەرگىلىكتەندىرۋدى جانە وتاندىق وندىرۋشىلەردىڭ مۇمكىندىكتەرىن كەڭەيتۋدى قامتاماسىز ەتەدى.
2021 جىلى يندۋستريالاندىرۋ كارتاسى شەڭبەرىندە تاماق ونەركاسىبىندە, قۇرىلىس يندۋسترياسىندا, ماشينا جاساۋدا, مەتاللۋرگيادا جانە باسقا دا سالالاردا 12,7 مىڭ تۇراقتى جۇمىس ورنىن قۇرا وتىرىپ, جالپى سوماسى 1,3 ترلن تەڭگەگە 139 يندۋستريالىق جوبانى ىسكە قوسۋ جوسپارلانعان. ونىڭ ىشىندە قازىرگى ۋاقىتتا 1 ترلن تەڭگەگە 83 جوبا ىسكە قوسىلدى. قالعاندارى بيىلعى جەلتوقساندا پايدالانۋعا بەرىلەدى.
تولىق قۋاتپەن جۇمىس ىستەگەندە بۇل جوبالاردىڭ ءوندىرىس كولەمى 1,1 ترلن تەڭگەنى قۇرايدى, وندىرىلگەن ءونىمنىڭ ۇشتەن ءبىرى ەكسپورتقا جىبەرىلەدى (350 ملرد تەڭگەدەن استام).
«قازاقستاندىقتاردىڭ ءال-اۋقاتىن ارتتىرۋعا باعىتتالعان ورنىقتى ەكونوميكالىق ءوسىم» ۇلتتىق جوباسى اياسىندا وڭدەۋشى سەكتورعا ەرەكشە ورىن بەرىلەدى.
پرەمەر-مينيستر بيىلعى 10 جەلتوقسانعا دەيىن ۇكىمەتكە يندۋستريالىق-يننوۆاتسيالىق دامۋ تۇجىرىمداماسىنىڭ 2025 جىلعا دەيىنگى وزەكتەندىرىلگەن جوباسىن, 2022 جىلعى 1 ناۋرىزعا دەيىن وڭىرلەردىڭ ەرەكشەلىكتەرىن ەسكەرە وتىرىپ, مونوقالالاردا ىسكە اسىرۋ ءۇشىن «زاكىرلىك» يندۋستريالىق جوبالار توپتاماسىن ازىرلەۋدى تاپسىردى.
يندۋستريا جانە ينفراقۇرىلىمدىق دامۋ مينيسترلىگىنە 2022 جىلعى 1 ناۋرىزعا دەيىن كاسىپورىنداردا تسيفرلىق شەشىمدەردى ەنگىزۋدى ىنتالاندىرۋ بويىنشا قاجەتتى نورماتيۆتىك قۇقىقتىق بازانى قابىلداۋدى قامتاماسىز ەتۋ تاپسىرىلدى.
«مەملەكەت باسشىسى قاسىم-جومارت توقاەۆتىڭ وڭدەۋ ونەركاسىبىن دامىتۋدى قامتاماسىز ەتۋ جونىندەگى تاپسىرمالارى ساپالى ءارى بەلگىلەنگەن مەرزىمدە ورىندالۋى ءتيىس», دەدى ا. مامين.
