پرەزيدەنت • 29 قاراشا، 2021

مەملەكەت باسشىسى دۇنيەجۇزىلىك دەنساۋلىق ساقتاۋ اسسامبلەياسىنىڭ ارناۋلى سەسسياسىنا قاتىستى

35 رەت كورسەتىلدى

قازاقستان پرەزيدەنتى ددسۇ-نىڭ دۇنيەجۇزىلىك دەنساۋلىق ساقتاۋ اسسامبلەياسىنىڭ ارناۋلى سەسسياسىنا قاتىستى، دەپ حابارلايدى Egemen.kz اقورداعا سىلتەمە جاساپ.

مەملەكەت باسشىسى دۇنيەجۇزىلىك دەنساۋلىق ساقتاۋ اسسامبلەياسى ارناۋلى سەسسياسىنىڭ قاتىسۋشىلارىنا ءىلتيپات ءبىلدىرىپ، COVID-19 پاندەمياسىنا قارسى كۇرەستىڭ اسا ماڭىزدى ەكەنىن اتاپ ءوتتى. ارناۋلى سەسسيا ددسۇ تاريحىندا ەكىنشى رەت وتكىزىلىپ وتىر. بۇل اتالعان پروبلەمانىڭ وزەكتىلىگىن كورسەتەدى.

«ددسۇ قوعامدىق دەنساۋلىق ساقتاۋ جولىنداعى وسى اسا كۇردەلى جاھاندىق كۇرەستە جەتەكشى ءرول اتقاردى. ۇيىمعا مۇشە مەملەكەتتەردىڭ ءبارى جانە ولاردىڭ دەنساۋلىق ساقتاۋ جۇيەلەرى اۋىر جاعدايدى باستان وتكەردى جانە قيىندىق ءالى دە جالعاسىپ جاتىر. كوروناۆيرۋستىڭ جاڭا ءارى قاۋىپتى شتامدارى الەم بويىنشا تەز تارالا باستاعاندىقتان، الداعى اپتالاردا COVID-19 ىندەتىن جۇقتىرعاندار سانى ايتارلىقتاي وسەدى. جۋىردا وڭتۇستىك افريكا عالىمدارى انىقتاعان «وميكرون» شتامى جاڭا قاۋىپ ءتوندىرىپ وتىر»، دەدى قاسىم-جومارت توقاەۆ.

پرەزيدەنتتىڭ ايتۋىنشا، پاندەميا حالىقارالىق قاتىناستاردا كوپتەگەن كەمشىلىكتى انىقتاعان. سونداي-اق داعدارىستىڭ الەۋمەتتىك-ەكونوميكالىق سالدارى بارلىق دەڭگەيدەگى الەۋمەتتىك قۇرىلىمداردى جان-جاقتى قايتا زەردەلەۋگە ماجبۇرلەدى. پاندەميا ىنتىماقتاستىققا جانە بيولوگيالىق سىن-قاتەرلەرگە قارسى ءىس-قيمىلداردىڭ مەيلىنشە ءتيىمدى جۇيەسىنە نەگىزدەلگەن جاڭا جاھاندىق ءادىس كەرەك ەكەنىن كورسەتتى. 

«ەڭ الدىمەن، ىندەت الدىندا ءبىزدى دارمەنسىز قىلعان كەمشىلىكتەرىمىزدى جويۋ قاجەت. سوندىقتان ءبىز وسى ارناۋلى سەسسياعا ءبىر عانا ماقساتپەن، ياعني ددسۇ كونۆەنتسياسىن ازىرلەۋ قاجەتتىگى مەن ونىڭ تەتىكتەرىن نەمەسە پاندەمياعا جانە وعان توتەپ بەرۋگە دايىندىقتى قامتاماسىز ەتۋ جونىندەگى حالىقارالىق قۇجاتتى قاراستىرۋ ءۇشىن جينالىپ وتىرمىز. دايىندىق جۇمىستارى مەن باياندامالارى ءۇشىن دۇنيەجۇزىلىك دەنساۋلىق ساقتاۋ اسسامبلەياسىنىڭ 74-وتىرىسىنىڭ جۇمىس توبىنا العىس ايتۋعا رۇقسات ەتىڭىزدەر. قازاقستان پاندەمياعا دايىندىقتى ارتتىرۋعا جانە ءتيىستى شارالاردى قابىلداۋعا باعىتتالعان ددسۇ كونۆەنتسياسىنا جولدانعان ۇسىنىستاردى قولدايدى»، دەدى مەملەكەت باسشىسى.

قاسىم-جومارت توقاەۆ قازاقستاننىڭ ددسۇ-نى تولىق قولدايتىنىن اتاپ ءوتىپ، بۇل ۇيىمدى سەنىمدى ارىپتەس رەتىندە قاراستىراتىنىن ايتتى. مەملەكەت باسشىسى الەمدىك قاۋىمداستىقتىڭ كوروناۆيرۋسقا قارسى كۇرەسىنە ۇيىمنىڭ باس ديرەكتورىنىڭ قوسقان جەكە ۇلەسىن جوعارى باعالادى.

«قازىرگى پاندەميا دەنساۋلىق ساقتاۋ سالاسىنداعى ەرەكشە توتەنشە جاعداي بولىپ سانالمايدى. داعدارىس مەملەكەتتەردىڭ جانە ۇلتتىق دەنساۋلىق ساقتاۋ جۇيەلەرىنىڭ ىشكى قۇرىلىمدىق كەمشىلىكتەرىن كورسەتىپ قانا قويماي، جاھاندىق دەڭگەيدەگى كۇردەلى ءارى قوردالانعان تەڭسىزدىكتەردى ايقىنداپ بەردى. سوندىقتان قازاقستان ۆاكتسينالاردىڭ الەم بويىنشا ءادىل تاراتىلۋىن قولدايدى جانە وعان بەلسەندى تۇردە اتسالىسادى. ءبىز 2022 جىلدىڭ ورتاسىنا قاراي جاھاندىق ۆاكتسينالاۋدى قامتاماسىز ەتۋ جونىندەگى ددسۇ-نىڭ COVID-19 ىندەتىنە قارسى ستراتەگياسىن تولىق قولدايمىز»، دەدى پرەزيدەنت.

مەملەكەت باسشىسى جيىن قاتىسۋشىلارىنا QazVac ۆاكتسيناسىنىڭ ازىرلەنۋى جانە ونىڭ جاڭا «دەلتا» شتامىنا قارسى ءساتتى موديفيكاتسيالانعانى جونىندە ايتتى. قازاقستاندىق ۆاكتسينا ءوزىنىڭ تيىمدىلىگىن ەلىمىزدە عانا ەمەس، ورتالىق ازيانىڭ باسقا دا مەملەكەتتەرىندە دالەلدەدى.

كەز كەلگەن اۋىل نەمەسە قالاداعى سياقتى جاھاندىق دەڭگەيدەگى ءبىزدىڭ وركەندەۋىمىز، يگىلىگىمىز دەنساۋلىق جاعدايىمىزعا بايلانىستى. ال ءبىزدىڭ دەنساۋلىعىمىز ىنتىماقتاستىققا جانە ورتاق سىن-قاتەرگە ۇيلەسىمدى توتەپ بەرۋگە بايلانىستى. مەن بارلىق ەلدى كوزدەلگەن ماقساتقا قول جەتكىزۋ ءۇشىن دۇنيەجۇزىلىك دەنساۋلىق ساقتاۋ ۇيىمى اياسىنا بىرىگۋگە شاقىرامىن، دەدى قاسىم-جومارت توقاەۆ.

سوڭعى جاڭالىقتار

مۇناي باعاسى كوتەرىلە مە؟

ەكونوميكا • بۇگىن، 23:15

بيلىك جانە ۇلت مەنتاليتەتى

قازاقستان • بۇگىن، 22:54

استاناداعى العاشقى مەشىت

رۋحانيات • بۇگىن، 22:42

الاشوردا وفيتسەرى

قازاقستان • بۇگىن، 22:32

471 مىڭ دوللارعا ساتىلدى

ادەبيەت • بۇگىن، 22:19

شابىت پەن شاراپ

ادەبيەت • بۇگىن، 22:13

ديلەتانتتان داۋىرگە دەيىن

ادەبيەت • بۇگىن، 21:57

ەرتەڭ اۋا رايى قانداي بولادى؟

قازاقستان • بۇگىن، 16:20

ۇقساس جاڭالىقتار