بەينەكونفەرەنتسيا فورماتىندا وتكەن جيىندا ءسوز سويلەگەن نۇرلان نىعماتۋلين قازىرگى تاڭدا ۇقشۇ جۋىرداعى دۋشانبە ءسامميتىنىڭ قورىتىندىلارىن ەسكەرە وتىرىپ, ۇجىمدىق قاۋىپسىزدىك جۇيەسىنىڭ قىزمەتىن نورماتيۆتىك قۇقىقتىق قامتاماسىز ەتۋ بويىنشا جاڭا مىندەتتەر تۇرعانىنا نازار اۋداردى.
نۇرلان نىعماتۋلين «بىتىمگەرشىلىك قىزمەت جانە بىتىمگەرشىلىك كۇشتەر تۋرالى» مودەلدىك زاڭدى قابىلداۋ ۇيىمنىڭ بىتىمگەرشىلىك الەۋەتىن ودان ءارى دامىتۋدىڭ ماڭىزدى قادامى ەكەنىن اتاپ ءوتتى. جالپى, ۇقشۇ پارلامەنتتىك اسسامبلەياسىنىڭ مودەلدىك زاڭدارى مەن ۇسىنىمدارىن ازىرلەۋ كەزىندە پراگماتيكالىق كوزقاراستى ۇستانۋدىڭ ماڭىزى زور ەكەنىنە ءمان بەردى.
ء«بىزدىڭ مەملەكەتتەرىمىزدىڭ باسشىلارى ۇقشۇ ۇجىمدىق قاۋىپسىزدىك كەڭەسىنىڭ وتىرىستارىندا ناقتى شەشىمدەر قابىلداعان كەزدە, سىزدەر مەن ءبىزدىڭ مىندەتىمىز – ولاردىڭ زاڭنامالىق دەڭگەيدە ءىس جۇزىندە ىسكە اسىرىلۋىن قامتاماسىز ەتۋ», دەدى نۇرلان نىعماتۋلين.
وتىرىستا مەملەكەت باسشىسىنىڭ بيولوگيالىق قاۋىپسىزدىكتى قامتاماسىز ەتۋ سالاسىنداعى باستامالارى جانە اۋعانستانداعى جاعداي تۋرالى ءسوز بولدى. ءماجىلىس سپيكەرى بۇگىندە وتكىر ماسەلەلەردىڭ بىرىنە اينالعان اۋعانستانداعى جاعدايعا نازار اۋدارىپ, ەلدىڭ اۋقىمدى گۋمانيتارلىق جانە ازىق-ت ۇلىك داعدارىسىنىڭ الدىندا تۇرعانىن اتاپ ءوتتى.
سونىمەن قاتار, قازقاستان پرەزيدەنتىنىڭ باستاماسىمەن ءتۇرلى باعىتتار بويىنشا جۇمىستار اتقارىپ جاتقانىن العا تارتتى. سونىمەن قاتار, نۇرلان نىعماتۋلين اۋعان ەلىندەگى جاعدايعا بايلانىستى پارلامەنت وكىلدەرىنىڭ, حالىقارالىق ساراپشىلاردىڭ, ساياساتتانۋشىلار مەن وسى سالاداعى مامانداردىڭ قاتىسۋىمەن جەكە تالقىلاۋ وتكىزۋدى ۇسىندى.
ايتا كەتۋ كەرەك, وتىرىستارعا ۇقشۇ پا قاتىسۋشى ەلدەردەن ارمەنيا, بەلارۋس, قازاقستان, قىرعىزستان, رەسەي جانە تاجىكستاننىڭ پارلامەنت پالاتالارىنىڭ باسشىلارى مەن وكىلدەرى, ال باقىلاۋشى مەملەكەت رەتىندە سەربيا قاتىستى.
