ء«بىر اپتا ىشىندە 2 936 قىلمىس جاسالدى. ونىڭ 2 012-ءسى تاۋلىك ىشىندە اشىلدى. پوليتسيا قىزمەتكەرلەرى ء«ىزىن سۋىتپاي» 8 كىسى ءولتىرۋدى, 6 ولىمگە اكەپ سوققان دەنساۋلىققا قاساقانا اۋىر زيان كەلتىرۋدى, 4 قاراقشىلىق, 32 توناۋ جانە 427 بوتەن م ۇلىكتى ۇرلاۋ قىلمىستارىن اشتى», دەدى رەسمي وكىل ءىىم ءباسپاسوز الاڭىندا وتكەن بريفينگىدە.
سونىمەن قاتار ول ىستانبۇلدا حالىقارالىق قىلمىستىق پوليتسيا ۇيىمىنىڭ باس اسسامبلەياسى – ينتەرپولدىڭ 89-شى سەسسياسى وتكەنىن, وعان ىشكى ىستەر ءمينيسترى ەرلان تۇرعىمباەۆ باستاعان قازاقستاندىق دەلەگاتسيا دا قاتىسقانىن اتاپ ءوتتى.
«اسسامبلەياعا 160 ەلدىڭ وكىلدەرى, سونداي-اق ينتەرپولدىڭ ۇلتتىق ورتالىق بيۋروسى, ونىڭ ىشىندە قازاقستان مەن بۇۇ, دسۇ سياقتى بىرنەشە حالىقارالىق ۇيىمداردىڭ باسشىلارى, ورتالىق امەريكا, مەكسيكا جانە كاريب ءوڭىرى پوليتسيا باسشىلارىنىڭ كوميسسياسى جانە تاعى باسقالارى باس قوستى. ينتەرپول جاھاندىق قاۋىپسىزدىكتى قامتاماسىز ەتۋدە ماڭىزدى ءرول اتقارادى. بۇل ۇيىم جالپى قىلمىسقا قارسى كۇرەس سالاسىندا قاتىسۋشى ەلدەردىڭ ۇلتتىق قۇقىق قورعاۋ ورگاندارىنىڭ كۇش-جىگەرىن بىرىكتىرۋ سالاسىندا كەڭ مۇمكىندىكتەر اشادى», دەدى ءنۇردىلدا وراز.
