تاريح • 29 قاراشا، 2021

ميلليون جىل ساقتالعان سۇيەك

2340 رەت كورسەتىلدى

جاقىندا كەرن قۇرامىن زەرتتەگەن وتاندىق گەولوگتەر قازاقستان اۋما­عىندا 200 ملن جىل بۇرىن ءومىر سۇرگەن ارحوزاۆردىڭ جاق سۇيە­گىنىڭ قالدىعىن تاپتى. مۇناي كومپا­نيا­سىنىڭ عىلىمي-تەحنيكالىق ورتالىعى سيرەك جادىگەردى كاسپي ماڭى باس­سەينىنىڭ ترياس جانە جوعارعى پەرم شوگىندىلەرىنىڭ جيناقتالۋىن زەرتتەۋ كەزىندە انىقتاعان.

– جوبانىڭ ءبىر كەزەڭى ميكروفاۋنا­عا تالداۋ جۇرگىزۋگە ارنالدى. سول كەزدە كۇردەلى تورلى قۇرىلىمى بار اشىق سۇر ءتۇستى ارحوزاۆردىڭ جوعارعى جاق سۇيەگىنىڭ قالدىعىنا كەزىكتى. جالپى، ارحوزاۆردى قولتىراۋىنداردىڭ باس­تاۋى دەۋگە بولادى. ارحوزاۆر 250-205 ملن جىل بۇرىنعى ترياس كەزەڭىندەگى باۋىرىمەن جورعالاۋشىلار كلاسىنا جاتادى. جاق سۇيەكتى كاسپي ماڭى ويپاتى ءۇشىن ەرەكشە جادىگەر دەي الامىز. ويتكەنى شىعىس ەۋروپا پلاتفورماسىندا ترياس كەزەڭىندەگى ارحوزاۆرلاردىڭ سۇيەگى كوپ كەز­دەس­پەيدى. قازىر تابىلعان سۇيەكتى كوم­پيۋتەرلىك توموگرافيا ادىسىمەن سكا-­
نەر­لەۋ جۇرگىزىلدى، – دەيدى «قمگ ين­جينيرينگ» جشس-نىڭ كەرندى تالداۋ قىزمەتىنىڭ باسشىسى نيكيتا پرونين.

ونىڭ ايتۋىنشا، كونە جادىگەردى وڭدەۋ كەزىندە جاق سۇيەگى ەكەنى راستالىپ وتىر. وندا 12 ءتىس بولعان. دالىرەك سيپاتتاۋ ءۇشىن سۇيەك ارنايى قۇرىلعى جانە قۇرالدارمەن تازارتىلادى. سودان كەيىن ۇلگى بەيىندى ينستيتۋتقا تاپسىرىلادى. وسىنداي سيرەك جادىگەر ميكروفاۋنا مەن پالەونتولوگيانى ودان ءارى زەرتتەۋگە تۇرتكى بولادى دەپ ۇمىتتەنەدى.

 

اتىراۋ وبلىسى

 

سوڭعى جاڭالىقتار

تمد ءسامميتى قازان ايىندا وتەدى

پرەزيدەنت • بۇگىن، 19:56

ۇقساس جاڭالىقتار