ايتۋلى شاراعا مەملەكەت جانە قوعام قايراتكەرلەرى, قر سەناتى مەن ءماجىلىس دەپۋتاتتارى, باق باسشىلارى, اتىراۋ وبلىسى اكىمدىگىءنىڭ وكىلدەرى, عالىمنىڭ جاقىندارى مەن شاكىرتتەرى جانە ستۋدەنت-جاستار قاتىستى.
جيىلعان قاۋىم الدىمەن قازاق ءباسپاسوزىنىڭ كوريفەيى تاۋمان اماندوسوۆتىڭ ءومىرى مەن شىعارماشىلىعىنا ارنالعان كىتاپ جانە فوتوكورمەمەن تانىستى. وندا ۇلاعاتتى ۇستازدىڭ ءار جىلدارى جارىق كورگەن كىتاپتارى مەن ءومىر جولىنان سىر شەرتەتىن سۋرەتتەر, زەرتتەۋ ماتەريالدارى قويىلعان.
كونفەرەنتسيانى ءال-فارابي اتىنداعى قازۇۋ-دىڭ باسقارما توراعاسى – رەكتورى جانسەيىت تۇيمەباەۆ قۇتتىقتاۋ سوزبەن اشىپ بەردى. ۋنيۆەرسيتەت باسشىسى تاۋ تۇلعالى قايراتكەردىڭ ۇستازدىق ۇلى قاسيەتتەرىنە توقتالدى. عالىمنىڭ عىلىمي دارىسىمەن قاتار, ءجۇرىس-تۇرىسى, سويلەگەن ءسوزىنىڭ ءوزى جاستارعا ۇلكەن ۇلگى-ونەگە بولعانىن مىسالعا الدى.
«تاۋمان اماندوسوۆ قاراشاڭىراقتى تامامداعان سوڭ, ۋنيۆەرسيتەتتە تاپجىلماي ساباق بەردى. كوپتەگەن تالانتتى شاكىرت تاربيەلەپ, قازاق جۋرناليستيكاسىنىڭ دامۋىنا ولشەۋسىز ەڭبەك ءسىڭىردى. پروفەسسور وقۋ ورنىمىزدىڭ فيلولوگيا, جۋرناليستيكا فاكۋلتەتتەرىن ابىرويمەن باسقاردى. تەلە-راديو كافەدراسىنىڭ اشىلۋى دا تاۋمان اماندوسوۆ ەسىمىمەن بايلانىستى», دەي كەلە, رەكتور كونفەرەنتسيانىڭ عالىمعا دەگەن قۇرمەتپەن قاتار, ارتار جاۋاپكەرشىلىگىن دە ەسكە سالدى.
بۇگىنگى جۋرناليستيكانىڭ, ونىڭ ىشىندە الەۋمەتتىك جەلىلەردىڭ بەت-بەينەسى مەن قوعامعا ءسىڭىرىپ جاتقان قۇندىلىقتارىنا سىني تۇرعىدا قاراي وتىرىپ, وعان ساپالىق جاعىنان اسەر ەتۋدىڭ ماڭىزىن باسا ايتتى.
جيىندا قر اقپارات جانە قوعامدىق دامۋ ءمينيسترى ايدا بالاەۆانىڭ قۇتتىقتاۋ حاتى وقىلدى. حاتتا: «تاۋمان سالىقباي ۇلى – سانالى عۇمىرىن عىلىم مەن بىلىمگە ارناپ, قازاق پۋبليتسيستيكاسىنىڭ تەورياسى مەن تاجىريبەسىن زەرتتەگەن عالىم, جۋرناليستيكا سالاسىندا بىرنەشە بۋىن شاكىرت ءتاربيەلەگەن ۇستاز. الداعى ۋاقىتتا دا تاۋمان سالىقباي ۇلىنىڭ ەسىمىن ۇلىقتاپ, ۇلتتىق رۋحانيات جولىنداعى شىعارماشىلىعى مەن ەڭبەگىن دارىپتەۋ ءىسى جالعاسىن تابادى دەپ سەنىم بىلدىرەمىن», دەلىنگەن.
سونىمەن قاتار كونفەرەنتسيا جۇمىسىنا قر پرەزيدەنتى اكىمشىلىگى باسشىسىنىڭ ءبىرىنشى ورىنباسارى داۋرەن اباەۆتىڭ حاتى ءتۇستى. قۇتتىقتاۋدا سانالى عۇمىرىن شاكىرت تاربيەلەۋگە ارناعان ۇستازدىڭ ەرەن ەڭبەگى ايتىلىپ,
ء«ال-فارابي اتىنداعى قازاق ۇلتتىق ۋنيۆەرسيتەتى جۋرناليستيكا فاكۋلتەتىنىڭ بۇگىنگىدەي ماڭىزدى ءىس-شارانى ۇيىمداستىرۋى – تاۋمان اماندوسوۆتاي تاۋ تۇلعالارىمىزدىڭ ىسىنە ادالدىعىنىڭ ايعاعى. ۇجىم كوپ جىلدار بويى مامان دايارلاۋ دەگەن اسا جاۋاپتى مىندەتتى ابىرويمەن اتقارىپ كەلەدى», دەپ اتاپ وتىلگەن.
باسقوسۋدا جازۋشى سماعۇل ەلۋباي تۇلعا جايلى ەستەلىكتەرىمەن ءبولىستى.
«دەكان دەگەن لاۋازىمدى ءومىر بويى ەسىمدە قالدىرعان تاۋمان اماندوسوۆ ەدى. جۋرناليستيكا فاكۋلتەتى – ءبىزدىڭ ۇشقان ۇيامىز. ءبىز – تاۋمان اعايدىڭ تۇڭعىش شاكىرتتەرىمىز, جۋرناليستيكا فاكۋلتەتىنىڭ تۇڭعىش تۇلەكتەرىمىز. تاۋمان اعادان باستالعان ءتالىم – ماعىنالى ءسوز ەستۋ. ءبىز بەس جىل سول ەستى ءسوزدى ەستىپ, قارا شاڭىراعىمىزدان تۇلەپ ۇشتىق», دەپ, ستۋدەنتتىك قىزىقتى كۇندەردەن سىر شەرتتى.
سونداي-اق القالى جيىندا قر پارلامەنتى ءماجىلىسىنىڭ دەپۋتاتى ساۋىتبەك ابدراحمانوۆ, پروفەسسور نامازالى وماشەۆ, قازاقستان جۋرناليستەر اكادەمياسىنىڭ پرەزيدەنتى ساعىمباي قوزىباەۆ, جازۋشىلار وداعى توراعاسىنىڭ ورىنباسارى, اقىن باۋىرجان جاقىپ, قازۇۋ پروفەسسورى كاكەن قامزين, «الماتى» تەلەارناسىنىڭ باسشىسى نۇرجان مۇحامەدجانوۆا جانە وزگە دە عالىمنىڭ كوپتەگەن شاكىرتتەرى ءسوز ارناپ, ۇستاز تاعىلىمى جايلى وي تولعادى.
پروفەسسور تاۋمان اماندوسوۆ جۋرناليستيكا تەورياسىنا ماماندانعان كسرو-داعى جەتى پروفەسسوردىڭ بءىرى بولاتىن. ون ءبىر مونوگرافيالىق ەڭبەكتىڭ, سونداي-اق جۇرتشىلىققا كەڭىنەن ءمالىم «پۋبليتسيستيكا – ءداۋىر ءۇنى», «دوستىق لەبىزى», «قازاق سوۆەت ءباسپاسوزىنىڭ جانرلارى» اتتى وقۋ قۇرالدارىنىڭ اۆتورى.
شارا بارىسىندا جاستاردىڭ جۋرناليستيكا مەن ديزاين سالاسىنداعى شىعارماشىلىق ىزدەنىستەرىنە قولداۋ كورسەتۋ جانە جۋرناليست, ۇستاز, عالىم تاۋمان اماندوسوۆتىڭ ەسىمىن ۇرپاق ەسىندە قالدىرا وتىرىپ, ومىرشەڭ ونەگەسىن ۇلگى ەتۋ ماقساتىندا ۇيىمداستىرىلعان «اماندوسوۆ بايقاۋىنىڭ» جۇلدەگەرلەرى ماراپاتتالىپ, عالىم اتىنداعى دەمەۋلىك شاكىرتاقىلار تابىستالدى.
«ۇزدىك عىلىمي جۇمىس» نوميناتسياسىنىڭ ءى ورىن يەگەرى المابەك يبرايىموۆ:
«حابار-وشار دۇنيەسى ادامزات ساناسىمەن بىرگە دامىپ كەلە جاتىر» دەگەن فيلولوگيا عىلىمىنىڭ دوكتورى, پروفەسسور تاۋمان اماندوسوۆتىڭ ءزامانسوز تامىرىنىڭ كونە داۋىرلەردەن باستاۋ الاتىنىنا, سول داۋىرلەردە ء وزىنە تيەسىلى قىزمەتىن اتقارعانىنا يشارا جاساعانىن ايتقىم كەلەدى. وسى تەندەنتسيانى العاشقىلاردىڭ ءبىرى بولىپ بايقاعان دا, اقپارات الماسۋ مەن جۋرناليستيكا سالالارىنىڭ ءتۇپ تامىرى ەرتە دۇنيەدەن باستاۋ العانىن العاشقىلاردىڭ ءبىرى بولىپ ءتىل ۇشىنا ىلىكتىرگەن دە تاۋمان سالىقباي ۇلى ەدى», دەگەن پىكىرىمەن ءبولىستى.
