م ۇلىك يەلەرىنىڭ وتىنىشتەرى مەن شاعىمدارىن تالداۋ قازىرگى ۋاقىتتا ەلوردادا ازاماتتاردىڭ الەۋمەتتىك وسال ساناتىنداعى ادامدار تۇراتىن 1020-عا جۋىق تۇرعىن ءۇي نەمەسە 7-10 جىل بۇرىن قابىلدانعان قىزمەت كورسەتۋ ءتاريفى شارشى مەترى 50 تەڭگەدەن تومەن ۇيلەر بار ەكەنىن انىقتادى. كوبىنەسە مۇنداي ۇيلەر شاتىردى, قاسبەتتى, جىلۋ قوندىرعىلارىن, ينجەنەرلىك جۇيەلەردى, تەرەزەلەردى جوندەۋگە ينۆەستيتسيالاردى قاجەت ەتەدى.
«Elorda Korshiler» باعدارلاماسى بويىنشا وتىنىمدەردى قابىلداۋدى وبەكتىدە باسقارۋدىڭ جاڭا نىسانى تىركەلگەن جاعدايدا, مەنشىك يەلەرىنەن عانا, سونداي-اق مىناداي ءتورت كورسەتكىش بويىنشا جۇرگىزۋ ۇسىنىلادى:
- شاتىردى قالپىنا كەلتىرۋ;
- قاسبەتتەردى قالپىنا كەلتىرۋ;
- ينجەنەرلىك جۇيەلەردى قالپىنا كەلتىرۋ;
- ەنەرگيا تيىمدىلىگىن ارتتىرۋ, اباتتاندىرۋ.
باعدارلاما قالالىق اكىمدىككە م ۇلىك يەلەرىنىڭ وزدەرىنەن تۇرعىن ءۇي قورىنىڭ ناقتى جانە وزەكتى قاجەتتىلىكتەرىن بىلۋگە مۇمكىندىك بەرەدى. بۇدان باسقا, جالپى ءۇي مۇلكىنىڭ جاي-كۇيى ماسەلەلەرىنە ازاماتتار تاراپىنان جاۋاپكەرشىلىك پەن مۇددەلىلىك ارتادى. بىرىڭعاي ءتىزىلىم تۇرعىن ءۇيدى پايدالانۋعا بەرۋ جىلىنا قاراماستان, م ۇلىكتىڭ بارلىق مەنشىك يەلەرىنىڭ وتىنىشتەرى نەگىزىندە قالىپتاستىرىلادى.
«Elorda Korshiler» باعدارلاماسى بىرنەشە كەزەڭمەن جۇزەگە اسىرىلادى. ولاردىڭ ءبىرىنشىسى - جوندەۋدى قاجەت ەتەتىن ءۇيدىڭ بولىكتەرى كورسەتىلگەن تۇرعىن ءۇي يەلەرىنەن وتىنىمدەردى قابىلداۋ جانە جيناۋ. ءتىزىلىم قالىپتاستىرىلعاننان كەيىن باعدارلامانى ىسكە اسىرۋ شەڭبەرىندە جۇمىس توبى بەكىتىلەدى, ول ولشەمشارتتاردى, جۇمىستاردىڭ بولجامدى قۇنىن جانە ماتەريالدارعا ارنالعان شىعىنداردى ايقىندايدى.
