«قاردىڭ تۇسۋىنە بايلانىستى قازاقستانعا سولتۇستىك-باتىس انتيتسيكلونى ىعىسادى. سالدارىنان جاۋىن-شاشىنسىز اۋا رايى مەن رەسپۋبليكانىڭ سولتۇستىگىندە اۋا تەمپەراتۋراسىنىڭ تومەندەۋى كۇتىلەدى. بىراق ەلدىڭ باتىس وڭىرلەرىنە رەسەيدىڭ ەۋروپالىق اۋماعىنىڭ اۋداندارىنان جىلى فرونت اسەر ەتەتىن بولادى, وسىعان بايلانىستى بۇل وڭىرلەردە كۇندىزگى ۋاقىتتا اۋا تەمپەراتۋراسىنىڭ كوتەرىلۋى بولجانادى», دەپ جازادى «قازگيدرومەت» رمك ءباسپاسوز قىزمەتى.
ەلىمىزدىڭ سولتۇستىك ايماقتارىندا اۋا تەمپەراتۋراسى تۇندە 10-18, كۇندىز 7-15 ايازعا دەيىن تومەندەيدى, ەلىمىزدىڭ باتىسىندا كۇندىز تەرمومەتر 0-5 جىلۋعا دەيىن, ال وڭتۇستىك-باتىستا 12 جىلۋعا دەيىن, شىعىستا اۋا تەمپەراتۋراسىنىڭ تۇندە 15-23-تەن 8-16 ايازعا دەيىن, كۇندىز 0-10 اياز بولادى. رەسپۋبليكانىڭ وڭتۇستىگىندە 0-10 ايازدان 0-5 جىلۋعا دەيىن, كۇندىز 0-10 جىلۋدان 3-15 جىلۋعا دەيىن كوتەرىلۋى, ال ەلدىڭ وڭتۇستىك-شىعىسىندا 7-18-دەن 0-10-عا دەيىن اياز, كۇندىز 3-11-دەن 3-كە دەيىن اياز, 7 جىلۋ كۇتىلەدى.
