ماجىلىستەگى كەزدەسۋ بارىسىندا نۇرلان نىعماتۋلين تۇركىتىلدەس مەملەكەتتەردىڭ ىنتىماقتاستىق كەڭەسىنىڭ 8-ءشى ءسامميتى قورىتىندىلارىنىڭ تاريحي ماڭىزدىلىعىن اتاپ ءوتتى.
نۇرلان نىعماتۋلين اتاپ وتكەندەي, سونىڭ ىشىندە قازاقستاننىڭ تۇڭعىش پرەزيدەنتى, تۇركى كەڭەسىنىڭ قۇرمەتتى توراعاسى نۇرسۇلتان نازارباەۆتىڭ باستاماسىمەن تۇركىتىلدەس مەملەكەتتەر ىنتىماقتاستىعى كەڭەسىنىڭ اتاۋى «تۇركى مەملەكەتتەرى ۇيىمى» اتاۋىنا وزگەردى. «تۇركى الەمىنىڭ كەلەشەگى - 2040» قۇجاتىنىڭ قابىلدانۋى, سونىمەن قاتار تۇرىكمەنستاننىڭ ۇيىمعا باقىلاۋشى مارتەبەسىنە يە بولۋى ۇيىم دامۋىنداعى جاڭا كەزەڭ.
وسىعان بايلانىستى, نۇرلان نىعماتۋليننىڭ پىكىرىنشە, پارلامەنتشىلەردى تۇركى مەملەكەتتەرىنىڭ پارلامەنتتىك اسسامبلەياسىنا بىرىكتىرۋ قاجەت.
تاراپتار قىركۇيەكتە تۇركىستاندا وتكەن تۇركپا-نىڭ مەرەيتويلىق ح پلەنارلىق وتىرىسىنىڭ قورىتىندىسى بويىنشا قابىلدانعان تۇركىستان دەكلاراتسياسىن ىسكە اسىرۋ ماسەلەلەرىن تالقىلادى.
تۇركپا-نىڭ 2022-2027 جىلدارعا ارنالعان زاڭ جوبالاۋ قىزمەتىنىڭ باعدارلاماسىنا ەرەكشە نازار اۋدارىلدى.
ءماجىلىس سپيكەرىنىڭ ايتۋىنشا, تۇركپا حاتشىلىعىنىڭ مۇنداي جوسپاردى ازىرلەۋى پارلامەنتشىلەرگە تۇركپا-عا قاتىسۋشى مەملەكەتتەردىڭ ۇلتتىق زاڭنامالارىن ۇيلەستىرۋ بويىنشا جۇيەلى نەگىزدە جۇمىس ىستەۋگە مۇمكىندىك بەرەدى.
