مەديتسينا • 25 قاراشا، 2021

قازورعزي مەن Takeda بيوفارماتسەۆتيكالىق كومپانياسى بىرلەسىپ جۇمىس جاسايدى

17 رەت كورسەتىلدى

قازاق ونكولوگيا جانە راديولوگيا عىلىمي-زەرتتەۋ ينستيتۋتىنىڭ (قازورعزي) باسشىلىعى جانە Takeda Pharmaceuticals (Takeda) جاھاندىق بيوفارماتسەۆتيكالىق كومپانياسىنىڭ رەسمي وكىلدىگى – «تاكەدا قازاقستان» كومپانياسى قازاقستان اۋماعىندا ونكولوگيالىق اۋرۋلارمەن كۇرەس سالاسىنداعى ىنتىماقتاستىق تۋرالى كەلىسىمگە قول قويدى، دەپ حابارلايدى Egemen.kz.

مەموراندۋم عىلىمي-ءبىلىم بەرۋ قۇرامداسىن، ينستيتۋتتىڭ دياگنوستيكالىق جوبالارىن دامىتۋعا باعىتتالعان بىرلەسكەن جوبالاردى ىسكە اسىرۋ، سونداي-اق ماقساتى پاتسيەنتتەرگە قولداۋ كورسەتۋ، ولاردىڭ دەنساۋلىق جاعدايى مەن ءومىر ساپاسىن جاقسارتۋ بولىپ تابىلاتىن قايىرىمدىلىق جانە الەۋمەتتىك ماڭىزى بار ءىس-شارالاردى ۇيىمداستىرۋ جانە وتكىزۋ ارقىلى قازورعزي مەن Takeda كومپانياسى اراسىنداعى ىنتىماقتاستىقتى نىعايتۋعا باعىتتالعان. 

«قازورعزي» اق باسقارما ءتورايىمى، مەديتسينا عىلىمدارىنىڭ دوكتورى، قازاقستان رەسپۋبليكاسى ۇلتتىق عىلىم اكادەمياسىنىڭ اكادەميگى، قر ونكولوگتار قاۋىمداستىعىنىڭ پرەزيدەنتى ديليارا كايداروۆانىڭ ايتۋىنشا، قازاقستاندا جىل سايىن ونكولوگيالىق اۋرۋلارمەن اۋىراتىن ناۋقاستار سانى ارتىپ كەلەدى. 2020 جىلى 35 مىڭنان استام جاڭا جاعداي انىقتالدى. 

«قازاقستاندا، بۇكىل الەمدەگى سياقتى، قاتەرلى ىسىكتەرمەن سىرقاتتانۋ وسۋدە. سوندىقتان ونكولوگيالىق اۋرۋلاردى ەمدەۋ سالاسىنداعى عىلىمي بازانى دامىتۋ، ونكولوگيالىق ناۋقاستارعا ۋاقتىلى جانە كاسىبي كومەك كورسەتە الاتىن مامانداردى دايارلاۋ، الدىن الۋ جانە ەرتە دياگنوستيكالاۋ قۇرالدارىن بەلسەندى ەنگىزۋ جانە پايدالانۋ وتە ماڭىزدى»، دەيدى ديليارا كايداروۆا. 

تاراپتار ىنتىماقتاستىعىنىڭ شەڭبەرىندە قازاقستاندا وكپە قاتەرلى ىسىگى، حودجكين ليمفوماسى جانە كوپتەگەن ميەلوماسى بار پاتسيەنتتەر مەن ولاردىڭ وتباسى مۇشەلەرىنە ارنالعان مەكتەپتەر وتكىزۋ جوسپارلانۋدا. بۇل باستاما ونكولوگيالىق اۋرۋمەن اۋىراتىن ادامدارعا جانە ولاردىڭ جاقىندارىنا اۋرۋدىڭ بارىسى مەن بولجامىنا بايلانىستى قوسىمشا اقپارات، ءومىر سالتى بويىنشا ۇسىنىستار، كاسىبي پسيحولوگيالىق قولداۋ الۋعا مۇمكىندىك بەرەدى.  سونىمەن قاتار، مەديتسينالىق قوعامداستىق وكىلدەرىنە ونكولوگيالىق اۋرۋلاردىڭ پاتومورفولوگيالىق، مورفولوگيالىق، مولەكۋلالىق-گەنەتيكالىق دياگنوستيكا بويىنشا بىرقاتار ءبىلىم بەرۋ ءىس-شارالارى وتكىزىلەتىن بولادى. 

جوبا اياسىندا وكپە قاتەرلى ىسىگىن دياگنوستيكالاۋ كەزىندە ءتۇرلى ماماندىقتاعى مەديكتەردىڭ فۋنكتسيونالدىق ءوزارا ارەكەتتەسۋىن كۇشەيتۋ بويىنشا مۋلتيديستسيپلينارلىق توپ جۇمىس ىستەيتىن بولادى. جۇمىس توبىنىڭ قۇرامىنا حيميوتەراپيا، پاتومورفولوگيا، مولەكۋليارلىق گەنەتيكا سالاسىنداعى ماماندار كىرەتىن بولادى. 

«Takeda بيوفارماتسەۆتيكالىق كومپانياسى ءۇشىن ونكولوگيالىق اۋرۋلاردى ەمدەۋگە ارنالعان يننوۆاتسيالىق دارىلىك زاتتاردى ازىرلەۋ جانە ءوندىرۋ باسىم باعىت بولىپ تابىلادى. كۇن سايىن ءبىز مەديتسينالىق كومەك كورسەتۋدى جەتىلدىرۋگە جانە قازاقستاندىق پاتسيەنتتەر ءۇشىن يننوۆاتسيالىق دارىلىك زاتتاردىڭ قولجەتىمدىلىگىن قامتاماسىز ەتۋگە ءوز ۇلەسىمىزدى قوسۋعا تىرىسامىز. بۇگىن قول قويىلعان كەلىسىم Takeda ۇيىمىنىڭ ءومىر ءسۇرۋ ساپاسىن جاقسارتۋعا باعىتتالعان جوبالار ارقىلى ونكولوگيالىق اۋرۋلارمەن اۋىراتىن ناۋقاستاردى قولداۋعا دەگەن مىزعىماس نيەتىن راستايدى»، دەپ ءتۇسىندىردى «تاكەدا قازاقستان» كومپانياسىنىڭ ديرەكتورى سابيرا سالىحوۆا.

سوڭعى جاڭالىقتار

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار