سەرىك قۇسايىنوۆ تالعاردىڭ جوعارعى تاس جولى بويىمەن LRT جەلىسىن سالۋ جوسپارلانىپ وتىرعانىن ايتتى. جوبا جەكە ينۆەستور ەسەبىنەن جۇزەگە اسىرىلادى.
«قازىر ينۆەستورلارمەن كەلىسسوزدەر جۇرگىزىپ جاتىرمىز. الدىن الا ويلاستىرعان باعىت بويىنشا LRT تولە بي كوشەسى بويىنا تۇسەدى. وزدەرىڭىز بىلەسىزدەر كەڭەس كەزىندە بۇل كوشەدە ترامۆاي جەلىسى بولعان ەدى. ەندى باتىستان شىعىسقا قاراي جولاۋشىلار اعىنىن ءبىر رەتكە كەلتىرىپ, ونى پايدالانۋعا دايىنبىز. ول مومىش ۇلى كوشەسىمەن عانا ەمەس, الاتاۋ اۋدانىنىڭ ورتالىعىنا دەيىن ءتۇسۋى كەرەك», دەيدى ول.
قازىرگى ۋاقىتتا ينۆەستور تەحنيكالىق-ەكونوميكالىق نەگىزدەمەمەن اينالىسىپ جاتىر. بۇدان بۇرىن LRT جەلىسىنىڭ قۇرىلىسىن 2020 جىلى باستاۋ جوسپارلانعانى xابارلانعان بولاتىن.
تەxنيكالىق-ەكونوميكالىق نەگىزدەمەگە سايكەس, جوبانىڭ ينۆەستيتسيالىق قۇنى: ينفراقۇرىلىم - 56 907 ملن تەڭگە (دەپو قۇرىلىسىن قوسا ەسەپتەگەندە), جىلجىمالى قۇرام - 36 512 ملن تەڭگە. بارلىعى - 94 203 ملن تەڭگە.
