فەدەراتسيا مالىمەتىنشە, ءتۋرنيردىڭ باستى ماقساتى – ەلىمىزدە جەڭىل اتلەتيكانى كەڭىنەن ناسيحاتتاۋ, سپورتتىق رەزەرۆتى دايىنداۋ جانە نۇر-سۇلتان قالاسى مەن ەلىمىزدىڭ ۇلتتىق قۇراما كومانداسىنا ءتۇرلى حالىقارالىق جارىستارعا قاتىسۋعا ۇمىتكەرلەردى انىقتاۋ.
تۋرنيرگە وزبەكستان, تاجىكستان, قىرعىزستان سىندى ەلدەردەن 150-دان استام سپورتشى قاتىسادى. سونداي-اق قازاقستاننىڭ باسقا وڭىرلەرىنەن دە سپورتشىلار كەلەدى.
سپورتشىلار كەلەسى جەڭىل اتلەتيكا تۇرلەرى بويىنشا ۇزدىك اتانۋ ءۇشىن جارىس جولنا شىعادى:
60 مەترگە جۇگىرۋ, 60 مەترگە كەدەرگىمەن جۇگىرۋ, 200, 400, 800, 1500, 3000 مەترگە جۇگىرۋ, 3 000 مەترگە سپورتتىق ءجۇرىس, يادرو لاقتىرۋ, بيىكتىككە سەكىرۋ, ۇزىندىققا سەكىرۋ, ءۇش قارعىپ سەكىرۋ, ەستافەتالىق 4ح200 مەتر, 12 جەكە ءتۇر + 1 ەستافەتا جانە 4ح200 مەترگە ارالاس ەستافەتا.
جارىستار 26-27 قاراشا ارالىعىندا ەلورداداعى «Qazaqstan» جەڭىل اتلەتيكا سپورت كەشەنىندە وتەدى.
