ءبىلىم • 25 قاراشا، 2021

قىرعىزستان مەن قازاقستان ىنتىماقتاستىعى اياسىندا رەكتورلار كەزدەستى

30 رەت كورسەتىلدى

بىشكەكتە قىرعىزستان مەن قازاقستان ۋنيۆەرسيتەتتەرى رەكتورلارىنىڭ ءبىرىنشى حالىقارالىق فورۋمى ءوتتى، دەپ جازادى Egemen.kz.

زاماناۋي جوعارى ءبىلىم بەرۋدەگى نەگىزگى تەندەنتسيالاردى جانە ەكى مەملەكەتتىڭ جوعارى وقۋ ورىندارىنىڭ ينتەگراتسيالانۋ تراەكتورياسىن تالقىلاۋدى ماقسات ەتكەن فورۋمعا اباي اتىنداعى قازۇپۋ رەكتورى دارحان ءبىلالوۆ، وقۋ باسقارمالارىنىڭ وكىلدەرى مەن ەكى ەلدىڭ جەتەكشى جوعارى وقۋ ورىندارىنىڭ 50-گە جۋىق باسشىسى قاتىستى.

فورۋمنىڭ اشىلۋىندا ءبىلىم جانە عىلىم ءمينيسترى اسحات ايماعامبەتوۆ، قىرعىزستاننىڭ ءبىلىم جانە عىلىم ءمينيسترى بولوتبەك كۋپەشەۆ، قازاقستان رەسپۋبليكاسى جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارى رەكتورلارى كەڭەسىنىڭ توراعاسى، ل. گۋميلەۆ اتىنداعى ەۇۋ رەكتورى ەرلان سىدىقوۆ، قىرعىز رەسپۋبليكاسى جوعارى وقۋ ورىندارى قاۋىمداستىعىنىڭ توراعاسى، بىشكەك مەملەكەتتىك ۋنيۆەرسيتەتىنىڭ رەكتورى ابدىلدى مۇساەۆ جانە ت.ب. ءcوز سويلەدى.

قىرعىزستان مەن قازاقستاننىڭ جوعارى ءبىلىم بەرۋ جۇيەسىن دامىتۋ، ورتالىق ازيا جوعارى وقۋ ورىندارىنىڭ اليانسىن قۇرۋ، بىرلەسكەن ءبىلىم بەرۋ جانە عىلىمي جوبالار، ستۋدەنتتەر مەن پروفەسسور-وقىتۋشىلار قۇرامىنىڭ تاعىلىمدامادان ءوتۋى بويىنشا نەگىزگى مىندەتتەر تالقىلاندى. اكادەميالىق ۇتقىرلىق بويىنشا ستۋدەنت الماسۋدى كەڭەيتۋ، فيليالدار اشۋ، ءبىلىم بەرۋ باعدارلامالارىن بىرىكتىرۋ، ەكى ەلدىڭ ۋنيۆەرسيتەتتەرى اراسىنداعى ءوزارا قارىم-قاتىناس تيىمدىلىگىن ارتتىرۋ ءۇشىن جاڭا مۇمكىندىكتەردى ەنگىزۋ تۋرالى شەشىم قابىلداندى. ەكى رەسپۋبليكا مەن حالىقتار اراسىنداعى دوستىق بايلانىستاردى ودان ءارى نىعايتا ءتۇسۋ ءۇشىن دە سىندارلى دا مازمۇندى پىكىرتالاستار ءوتتى.

فورۋم بارىسىندا Abai University ب.بەشەناليەۆا اتىنداعى قىرعىز مەملەكەتتىك مادەنيەت جانە ونەر ۋنيۆەرسيتەتىمەن، قىرعىز-رەسەي ءبىلىم اكادەمياسىمەن، قىرعىزستان-رەسەي ءبىلىم اكادەمياسى، رەسەي فەدەراتسياسىنىڭ تۇڭعىش پرەزيدەنتى ب.ن.ەلتسين اتىنداعى قىرعىز-رەسەي سلاۆيان ۋنيۆەرسيتەتى، ب.سىدىقوۆ اتىنداعى قىرعىز-وزبەك حالىقارالىق ۋنيۆەرسيتەتىمەن ىنتىماقتاستىق تۋرالى مەموراندۋمدارعا قول قويدى.

سوڭعى جاڭالىقتار

توقساننىڭ تورىندە

ايماقتار • بۇگىن، 09:16

تاتارستاننان ولجالى ورالدى

حوككەي • بۇگىن، 09:14

زەرتتەۋ اۋقىمىن كەڭەيتۋ ماڭىزدى

ايماقتار • بۇگىن، 09:11

تەڭدەسى جوق جەتىستىك

قازاقستان • بۇگىن، 08:54

باسىمىزداعى باقتى باعالاي بىلەيىك

قازاقستان • بۇگىن، 08:47

ەلباسى اماناتى

پىكىر • بۇگىن، 08:45

ءمىنسىز – كىم؟

رۋحانيات • كەشە

سەمەيدەگى سەرپىلىس

ايماقتار • كەشە

ۇقساس جاڭالىقتار