قازاقستاندا يندۋستريا جانە ينفراقۇرىلىمدىق دامۋ ءمينيسترىنىڭ 2021 جىلعى 23 قاراشاداعى №611 بۇيرىعىمەن وتاندىق اعاش وڭدەۋ كاسىپورىندارىن قولداۋ, ىشكى نارىقتى شيكىزاتپەن تولىقتىرۋ جانە قازاقستاننىڭ ورمان قورىن ساقتاۋ ءۇشىن كەيىننەن مەرزىمىن ۇزارتا وتىرىپ, ەل اۋماعىنان التى اي مەرزىمگە اعاش ماتەريالدارىن (ەۋرازيالىق ەكونوميكالىق وداقتىڭ سىرتقى ەكونوميكالىق قىزمەتىنەن تاۋار نومەنكلاتۋراسىنىڭ كودى 4401, 4403, 4404, 4406 جانە 4407) اكەتۋگە تىيىم سالۋ ەنگىزۋ تۋرالى شەشىم قابىلداندى.
قازاقستان اۋماعى از ورماندى بولىپ تابىلادى(ەل اۋماعىنىڭ 11% ورمانمەن جابىلعان (13,3 ملن.گا), ونىڭ 4,9% ورماندىلىعى قۇرايدى). وڭدەلمەگەن اعاش ماتەريالدارىنىڭ قازاقستانعا نەگىزگى جەتكىزۋ رەسەي فەدەراتسياسىنان جۇزەگە اسىرىلادى.
وسى نورماتيۆتىك قۇقىقتىق اكتىنى قابىلداۋ رەسەيلىك وڭدەلمەگەن اعاش ماتەريالدارىن (دومالاق اعاش) قازاقستان اۋماعىنان اكەتۋگە دە تىيىم سالادى.
بۇيرىقتى قابىلداۋ كەزىندە نورماتيۆتىك-قۇقىقتىق اكتىلەردى قابىلداۋدىڭ بارلىق ەرەجەلەرى ساقتالدى:
- بۇيرىق جوباسى سىرتقى ساۋدا ساياساتى جانە حالىقارالىق ەكونوميكالىق ۇيىمدارعا قاتىسۋ ماسەلەلەرى جونىندەگى ۆەدومستۆوارالىق كوميسسيانىڭ قاراۋىنا شىعارىلدى;
- مۇددەلى ورگاندار مەن ۇيىمدارعا كەلىسۋ ءۇشىن جىبەرىلدى;
- اككرەديتتەلگەن ۇيىمدارمەن كەلىسىلدى;
- نقا اشىق پورتالىندا جاريالاندى;
- قوعامدىق كەڭەستىڭ وڭ قورىتىندىسى الىندى.
