بيۋدجەت ساياساتىنىڭ جانە بيۋدجەت قاراجاتىن جوسپارلاۋ مەن پايدالانۋ پروتسەسىنىڭ تيىمدىلىگىن ارتتىرۋ ماقساتىندا زاڭ جوباسىندا بيۋدجەت شىعىستارىنىڭ قايتارىمدىلىعىن ارتتىرۋعا باعىتتالعان بيۋدجەت پروتسەسىن جەتىلدىرۋ كوزدەلەدى.
ءماجىلىستىڭ قارجى جانە بيۋدجەت كوميتەتىنىڭ مالىمەتىنشە, زاڭ جوباسى بيۋدجەت زاڭناماسىنا ەنگىزىلەتىن وزگەرىستەر مەن تولىقتىرۋلاردى قامتيدى, سونىڭ ىشىندە بيۋدجەتتىك باعدارلامالار اكىمشىلەرىنىڭ ليميتتەرىن ايقىنداۋ تاسىلدەرىن وزگەرتۋ, مەملەكەتتىك ورگانداردىڭ بيۋدجەتتىك ءوتىنىم قۇرامىندا بيۋدجەتتىك سۋبسيديالار مەن بيۋدجەتتىك ينۆەستيتسيالارعا مالىمدەلگەن شىعىستاردىڭ ەكونوميكالىق قايتارىمدىلىعىنا باعالاۋ جۇرگىزۋى, بيۋدجەتتىڭ اتقارىلۋىن جەتىلدىرۋ جونىندەگى نورمالاردى قاراستىراتىن بيۋدجەتتىك باعدارلامالاردى ىسكە اسىرۋ جونىندەگى تالدامالىق ەسەپتىڭ قۇرىلىمىن وزگەرتۋ كوزدەلەدى.
زاڭ جوباسىن جۇمىس توبىنىڭ وتىرىستارىندا قاراستىرۋ بارىسىندا جەكەلەگەن نورمالاردى جەتىلدىرۋ ماقساتىندا:
- وبلىستىق بيۋدجەتكە 50 پايىزدان اسپايتىن جانە اۋداندىق (وبلىستىق ماڭىزى بار قالالىق) بيۋدجەتكە 50 پايىزدان كەم ەمەس مولشەردە كورپوراتيۆتىك تابىس سالىعىنان تۇسەتىن تۇسىمدەردى ءبولۋ ءنورماتيۆىن بەلگىلەۋ بويىنشا;
- قارىز شارتىندا بەلگىلەنگەن مەرزىمدە قارىز قاراجاتىنىڭ يگەرىلمەۋىنە جاۋاپتى لاۋازىمدى ادامنىڭ ء(بىرىنشى باسشىنىڭ) اتاۋىن ناقتىلاۋ بويىنشا;
- سالىق كودەكسىنە وزگەرىستەر مەن تولىقتىرۋلار ەنگىزۋگە بايلانىستى جەكەلەگەن زاڭدارعا;
- ۇلتتىق قوردان كەپىلدىك بەرىلگەن ترانسفەرت مولشەرىن جوسپارلاۋدىڭ كونترتسيكلدىق بيۋدجەتتىك قاعيدالارىن قولدانىسقا ەنگىزۋ مەرزىمىن ناقتىلاۋ بويىنشا تۇزەتۋلەر ۇسىنىلدى. مەملەكەت باسشىسىنىڭ ەكىنشى دەڭگەيدەگى بانكتەردىڭ كەپىلدىك ساياساتىن جەتىلدىرۋ, باعالاۋ قىزمەتىن جانە اتقارۋشىلىق ءىس جۇرگىزۋدى رەتتەۋ بويىنشا زاڭنامالىق تۇزەتۋلەر ازىرلەۋ تۋرالى تاپسىرماسىن ورىنداۋ ماقساتىندا وسى زاڭ جوباسى اياسىندا ازاماتتاردىڭ قۇقىقتارىن قورعاۋعا باعىتتالعان تۇزەتۋلەر ەنگىزىلدى جانە وندا:
- جەكە تۇلعانىڭ تۇرعىن ۇيمەن قامتاماسىز ەتىلگەن يپوتەكالىق قارىزدار بويىنشا مەرزىمى وتكەن مىندەتتەمەنى كەپىلگە سالىنعان م ۇلىكتىڭ بولماشى جانە مولشەرلەس ەمەس قۇنىنا جاتقىزۋ ءۇشىن ورىندالماعان مىندەتتەمە سوماسىن 10%-دان 15%-عا دەيىن جانە مەرزىمدى وتكىزىپ الۋ كەزەڭىن 3 ايدان 6 ايعا دەيىن ارتتىرۋ كوزدەلەدى, بۇل م ۇلىككە ءوندىرىپ الۋدى قولدانۋدان باس تارتۋ ءۇشىن نەگىز بولادى;
- كەپىل بەرۋشىنىڭ كەپىلگە سالىنعان م ۇلىكتى سوتتان تىس, سونداي-اق سوت ارقىلى وتكىزۋ كەزىندە ءوز بەتىنشە وتكىزۋ ءراسىمىنىڭ مىندەتتىلىگىن بەلگىلەۋ;
- تاراپتاردىڭ كەلىسىمى بويىنشا يپوتەكانى سوتتان تىس تارتىپپەن وتكىزۋ كەزىندە سەنىم بىلدىرىلگەن ادامدى ايقىنداۋ (قازىرگى ۋاقىتتا كەپىل ۇستاۋشى ايقىندايدى);
- يپوتەكالىق تۇرعىن ءۇي قارىزى شارتى بويىنشا كەپىلگە بەرىلگەن جىلجىمايتىن م ۇلىك سوت تارتىبىمەن ساتىلعان جاعدايدا, بورىشكەر-جەكە تۇلعادا ەڭ تومەنگى جالاقىنىڭ 2 ەسەلەنگەن مولشەرىنەن (قازىرگى ۋاقىتتا – 1 ەتج) اساتىن ءوندىرىپ الۋ قولدانىلۋى مۇمكىن وزگە م ۇلىك نەمەسە تابىستار بولماعان كەزدە يپوتەكانى توقتاتۋ;
- ساۋدا-ساتتىقتا ساتۋ باعاسىن تومەندەتۋ شەگىن باستاپقى باعالاۋ قۇنىنىڭ 75 پايىزىنان تومەن ەمەس مولشەردە بەلگىلەۋ;
- جوسىقسىز باعالاۋشىلار ءتىزىلىمىن ەندىرۋ جانە ولاردىڭ بىلىكتىلىگىنە قويىلاتىن تالاپتاردى كۇشەيتۋ كوزدەلەدى.
