7 مامىر – وتان قورعاۋشىلار كۇنى

داستۇرگە ادالدىق ەر جىگىت ءۇشىن ەڭ قىمبات سەزىم وتان قورعاۋ سەزىمى دەپ بىلەمىن. تەپسە تەمىر ۇزەتىن كەز كەلگەن ەر-ازامات اسكەري بورىشىن وتەۋگە اسىعادى دەپ ويلايمىن. سولاردىڭ ءبىرى دەپ ءوزىمدى ايتسام بولادى. سوناۋ وڭتۇستىك قازاقستان وبلىسىنىڭ تۇركىستان قالاسى ماڭايىنداعى كەڭەس وداعىنىڭ باتىرى ابدوللا ۇسەن اۋىلىندا تۋىپ-وسكەن مەنىڭ رۋحاني استانادان رەسمي ەلورداعا كەلىپ, اسكەري بورىشىمدى وتەپ جاتقانىما ءوزىمدى باقىتتى سانايمىن. ابدوللا اتامداي ەلىن, جەرىن شىن سۇيگەن جاۋىنگەر بولىپ, بورىشىمدى ابىرويمەن اتقارىپ, تۋعان اۋىلىما ەسەن-ساۋ ورالسام دەگەن نيەتپەن ءجۇرىپ جاتىرمىن. وتكەن جىلدىڭ مامىرىندا اسكەر قاتارىنا شاقىرىلعان مەنىڭ كوزدى اشىپ-جۇمعانشا ەلگە قايتۋ مەرزىمىمنىڭ تاياپ قالعاندىعى قيىندىعى مەن قىزىعى قاتار جۇرەتىن اسكەري ءومىردىڭ وتە تاماشا وتكەندىگىن ايعاقتاسا كەرەك. سىناپتاي سىرعىعان وسى ۋاقىت ىشىندە وزىمە ءتالىم-تاربيە الارلىق ءبىراز جايتكە قانىقتىم. راس, اسكەر ومىرىندە ادامدى شىڭداۋ جولىندا ازداعان قيىندىقتار ورىن الىپ قالۋلارى ىقتيمال. وسى كەزدە ءبىزدى ودان الىپ شىعاتىن وتانىمىزعا دەگەن ۇلتتىق رۋحىمىزدىڭ جوعارى تۇرۋى بولماق دەر ەدىم. رۋحى مىقتى ەلدىڭ قاشاندا جۇلدىزى جوعارى بولماق. ءبىزدىڭ ءىزىمىزدى باسىپ, اسكەر قاتارىنا شاقىرىلعان جاس ساربازدارعا وتان قورعاۋ جولىندا تاباندىلىق پەن ەرىك-جىگەر تىلەيمىن. وتان قورعاۋشىلار كۇنى مەن ۇلى جەڭىستىڭ 65 جىلدىق مەرەيتويى بارشامىزعا قۇتتى بولسىن! جالعاس قوشقاروۆ, №6636 اسكەري ءبولىمنىڭ قاتارداعى جاۋىنگەرى. استانا. اسكەري بورىشتى جۇرەكپەن اتقارۋ كەرەك مەن ءوز ءسوزىمدى ۇلى جەڭىستىڭ 65 جىلدىق مەرەكەسى ەلىمىز ءۇشىن قايىرلى, قۇتتى بولسىن دەپ وتان ءۇشىن وت كەشكەن اتا-اجەلەرىمدى قۇتتىقتاۋدان باستاعىم كەلىپ وتىر. ءبىزدىڭ وسى كۇنگە جەتىپ, بەيبىت زاماندا ەل قورعاۋ باقىتىنا يە بولۋىمىزدىڭ قان مايداندا وت كەشكەن مايدانگەر بابالارىمىزدىڭ ارقاسى ەكەنى بەلگىلى. ولارعا بۇگىندە قانداي قۇرمەت كورسەتسەك تە ارتىق ەمەس. تاۋەلسىز جاس وتانىمىزدى قورعاۋ ەلىم دەپ جۇرەگى سوققان ءار ساربازدى پاتريوتتىق سە­زىمگە بولەيدى. العاش اسكەرگە كەلىپ, انت قابىلداعاننان كەيىن مەن ءوزىم­نىڭ وتان الدىنداعى بورىشىمدى ابىرويمەن, جۇرەكپەن اتقارۋ قا­جەتتىگىن شىنداپ ءتۇسىندىم. مەن ءۇشىن بورىشىمدى وتەپ جاتقان ءار كۇنىم وتانىما دەگەن شىن سۇيىسپەنشىلىككە تولى دەسەم ارتىق ايتقاندىق ەمەس. اسكەر قاتارىنا شاقىرىلعانىمىز كەشە عانا ەدى, ەندى ورنىمىزدى بىزدەن كەيىنگى بۋىن باسقالى وتىر. بۇل دا بولسا ءبىزدىڭ تاۋەلسىز قازاقستانىمىزعا كىرپىش بولىپ قالانىپ جاتقانىمىزدىڭ بەلگىسىندەي. قاي كەزدە دە وتانعا دەگەن ىستىق سەزىم بارشامىزدىڭ قانىمىزدا تۋلاپ جاتۋى ءتيىس. بۇگىنگى وتان قورعاۋشىلار كۇنى قازاقستان ساربازدارىن ايتۋلى ءتول مەرەكەلەرىمەن قۇتتىقتاپ, اسكەري بورىشتارىن ابىرويمەن اتقارۋعا نيەتتەستىگىمدى بىلدىرەمىن. تاۋەلسىز ەلىمىزدىڭ تۇعىرى قاشاندا بيىك بولعاي. ءبىرجان قانتورەەۆ, №6506 ىشكى اسكەر ءبولىمىنىڭ قاتارداعى جاۋىنگەرى. شىمكەنت.