ۆيسكونسين شتاتىنداعى ۋوكەشو قالاسىنداعى روجدەستۆو شەرۋى كەزىندە جول تالعامايتىن كولىكتىڭ ادامداردى جاپپاي باسۋى سالدارىنان 52-81 جاس ارالىعىنداعى بەس ادام مەرت بولدى دەپ حابارلاندى. بۇگىندە زارداپ شەككەندەر سانى 48-گە جەتتى.
پوليتسيانىڭ مالىمدەمەسىنە سايكەس, 39 جاستاعى كىشى داررەل ەدۆارد برۋكس قاماۋعا الىنعان, وعان بەس ادامدى قاساقانا ءولتىردى دەگەن ايىپ تاعىلادى. ۋوكەشو قالاسىنىڭ پوليتسيا دەپارتامەنتى بولعان وقيعانى لاڭكەستىك ارەكەت دەپ باعالامايدى.
قۇرباندار مەن زارداپ شەككەندەر اراسىندا وقۋشىلار مەن ەگدە جاستاعى ادامدار بولعان. قازىرگى كەزدە ونداعان ادام گوسپيتالدەردە جاتىر. ۆيسكونسين شتاتىنىڭ بالالار پەدياتريالىق اۋرۋحاناسىنىڭ مالىمەتىنە سايكەس, 18 بالا ءتۇرلى باس جاراقاتتارى جانە سىنىقتارىمەن اۋرۋحاناعا تۇسكەن.
دارىگەرلەردىڭ ايتۋىنشا, زارداپ شەككەندەردىڭ اراسىندا 3 جاستان 16 جاسقا دەيىنگى بالالار بولعان. 10 بالاعا قارقىندى تەراپيا پەدياتريالىق پالاتاسىندا كومەك كورسەتىلدى. ريم-كاتوليك ميلۋوكي ارحيەپارحياسى زارداپ شەككەندەردىڭ قاتارىندا ءدىن قىزمەتشىسى, بىرنەشە شىركەۋگە كەلۋشى جانە جەرگىلىكتى كاتوليك مەكتەبىنىڭ ءبىلىم الۋشىلارى بار ەكەنىن مالىمدەدى.
بۇدان بۇرىن اقش-تىڭ ۆيسكونسين شتاتىنداعى ۋوكەشو قالاسىندا روجدەستۆو شەرۋى كەزىندە اۆتوولىكتىڭ ادامداردى جاپپاي باسقانى تۋرالى حابارلانعان بولاتىن.
