«بىزدە بارلىعى 27 پايىز ەكسپورت بار جانە ءبىز كومىردىڭ ەكى ءتۇرىن ەكسپورتتايمىز - بۇل مەتاللۋرگيالىق وڭدەۋگە ارنالعان جوعارى اگلومەراتسيالىق كومىر جانە 38 پايىزدان جوعارى كۇلگە يە ەنەرگەتيكالىق كاسىپورىندار ءۇشىن. ال حالىققا قولدانۋعا كۇل مولشەرى تومەن كومىر ءتۇرىن ۇسىنامىز. بۇعان قاراجىرا, شۇباركول, بوگاتىر جانە تاعى باسقالارى جاتادى. قۇرامىندا كۇل مولشەرى جوعارى جانە ورتاشا كومىردى ەكسپورتتايمىز. ءبىز قازىردىڭ وزىندە وبلىستاردىڭ وتىنىمدەرى بويىنشا حالىققا قاجەت كومىردىڭ 94 پايىزىن جونەلتتىك. جالپى بيىل وتكەن جىلدىڭ قازان ايىمەن سالىستىرعاندا جوسپاردى اسىرا ورىنداپ وتىرمىز. تاپشىلىق قولدان جاسالىپ وتىر», دەدى بەيبىت اتامقۇلوۆ ۇكىمەت ۇيىندە تىلشىلەردىڭ سۇراعىنا جاۋاپ بەرە وتىرا.
ءمينيستردىڭ ايتۋىنشا, ەلىمىزدە كومىرمەن قامتۋ جاعدايى تۇراقتى جانە ونى تاسۋدا ءىرى جەتكىزۋشى ۇيىمدارمەن مەموراندۋم جاسالعان.
