«كورورناۆيرۋس ينفەكتسياسىنان قورعانۋدىڭ ماڭىزدى ءتاسىلى ۆاكتسينالاۋ. سوندىقتان ونىڭ قارقىنىن ودان ءارى ۇلعايتۋ كەرەك. بۇگىندە ءبىرىنشى كومپونەنتتى 8,7 ملن ادام سالدىردى. بۇل – 18 جاستان اسقان تۇرعىنداردىڭ 76 پايىزى. ەكىنشى كومپونەنتتى شامامەن سەگىز ميلليون ادام الدى. بۇل ۆاكتسينا الۋعا جاتاتىن حالىقتىڭ 70 پايىزىنا جۋىق», دەدى ۇكىمەت باسشىسى.
ونىڭ ايتۋىنشا, تۇماۋعا قارسى ۆاكتسينالاۋ دەڭگەيى قاجەتتى كونتينگەنتتىڭ 99 پايىزىنان اسقان.
«كەشە وڭىرلەردىڭ بارىندە كوروناۆيرۋس بويىنشا قايتا ۆاكتسيناتسيالاۋ باستالدى. ول ءۇشىن ۆاكتسينا قورى جەتكىلىكتى. ۆاكتسينالاردى ساقتاۋ مەن تاسىمالداۋ رەجيمىن ساقتاۋ اسا ماڭىزدى. اكىمدەرگە اتالعان ماسەلەلەردى جەكە باقىلاۋدا ۇستاۋدى تاپسىرامىن. ەرالى توعجانوۆ جالپى باقىلاۋ وزىڭىزدە», دەدى اسقار مامين وعان قاراتا ايتقان سوزىندە.
