«وتاندىق وندىرۋشىلەردى قولداۋ ءۇشىن ۇلتتىق ەكونوميكانىڭ وزىندىك ستراتەگيالارى ىسكە اسىرىلىپ جاتىر. 2020 جىلدان باستاپ جەرگىلىكتى قامتۋ ۇلەسى ارتىپ, كورسەتكىش 1,3% قۇرادى. بيىل 9 ايدىڭ قورىتىندىسىندا رەتتەلەتىن ساتىپ الۋدىڭ جالپى كولەمى 12,9 ترلن تەڭگەنى قۇرادى. جەرگىلىكتى قامتۋ ۇلەسى 6,4% ءوسىپ, 58,3% قۇرادى», دەدى مينيستر.
اتامقۇلوۆ اتاعانداي, سۋبەكتىلەر بويىنشا ەڭ جوعارى ءوسىم مەملەكەتتىك ساتىپ الۋدا - 6,2%, ۇلتتىق كومپانيالارداعى ساتىپ الۋلاردا - 0,8% جانە جەر قويناۋىن پايدالانۋشىلار - 12,8% ءوسىم كورسەتتى.
«مەملەكەت باسشىسىنىڭ تاپسىرماسىنا سايكەس جىل باسىندا ينفراقۇرىلىمدىق جوبالاردى ىسكە اسىرۋ كەزىندە مەملەكەتتىك ساتىپ الۋلاردا مالىمدەلگەن جەرگىلىكتى قامتۋ كورسەتكىشتەرى بويىنشا دەرەكتەر سالىستىرىلدى. ناتيجەسىندە 14 وڭىردە كورسەتكىشتەردىڭ ارتىق ەكەنى انىقتالدى. وسىعان بايلانىستى ءتيىستى ۇسىنىستار بەرىلدى. مەملەكەت باسشىسى 2025 جىلعا دەيىن جىل سايىن تەكسەرۋ جۇرگىزۋدى تاپسىردى», دەدى بەيبىت اتامقۇلوۆ.
