كوروناۆيرۋس • 23 قاراشا، 2021

29 250 دوزا Pfizer جەتكىزىلدى

51 رەت كورسەتىلدى

ورال قالاسىنا Pfizer كومپانياسى ءوندىرىپ شىعارعان «كومير­نا­تي» ۆاكتسيناسىنىڭ 29 250 دوزاسى جەتكىزىلدى. قازىر ەكپە مەدي­تسي­نا ۇيىمدارىنا تاراتىلۋدا. «20 قاراشادان ۆاكتسينالاۋ باس­تالادى» دەپ حابارلادى باتىس قازاقستان وبلىستىق دەن­ساۋ­­لىق ساقتاۋ باسقارماسى باسشىسىنىڭ ورىنباسارى گۇلنار ءابدىراحمانوۆا.

پاندەميا باستالعالى بەرى باتىس قازاقستان وڭىرىندە 39 503 ادام كوروناۆيرۋس ينفەكتسياسىن جۇقتىرعان ەكەن. ىندەتتى جۇق­تىر­عان­داردىڭ 93،3-%-ى، ياعني 36 856 ادام جازىلىپ شىق­قان. سونىڭ ىشىندە 14 931 ادام ينفەكتسيالىق ستاتسيونارلاردا ەم الىپ شىقسا، 21 925 ادام امبۋلاتوريالىق دەڭ­گەي­دە ەمدەلىپتى. سوڭعى ەسەپ بو­يىنشا COVID-19-دان بارلىعى 832 ادام كوز جۇمعان. ولاردىڭ 663-ءى بيىل قايتىس بولعان.

جوعارىداعى دەرەكتەردى جا­ريا­لاعان وبلىستىق دەنساۋلىق ساق­تاۋ باسقارماسى باسشىسىنىڭ ورىنباسارى گ.ءابدىراحمانوۆا جەدەل جاردەم ستانساسىنا ءبىر اپتادا ورتا ەسەپپەن 6 مىڭعا جۋىق قوڭىراۋ تۇسەتىنىن، سوڭعى تاۋلىكتە 1 171 شاقىرتۋ ءتۇسىپ، ونىڭ 101-ءى كورو­ناۆيرۋسقا قاتىستى بولعانىن ايتتى. سوڭعى ءبىر كۇندە 15 ادام ستا­تسيونارعا جاتقىزىلعان.

ارينە، كەيىنگى كەزدە وڭىردە ىن­دەت­تىڭ بەتى قايتقانداي. وبلىس «جا­سىل ايماققا» اۋىسىپ، كارانتين تالاپتارى جەڭىلدەدى. بۇگىندە وبلىستا جالپى سانى 821 توسەكتىك ورىن 16 ستاتسيوناردا 142 ادام عانا ەم الىپ جاتىر. بۇل كورسەتكىشتەر وڭىردە ەپيدەميالىق احۋال­دىڭ ساۋىعا باستاعانىن كورسەتەدى. ارينە، بۇل الدىن الا پروفيلاكتيكا – ەكپە جۇمىسىنىڭ ۇيىم­شىل­دىقپەن جۇرۋىنە دە بايلانىس­تى. 19 قاراشا كۇنگى مالىمەتكە قارا­عاندا، وبلىستا 246 010 ادام كورو­ناۆيرۋسقا قارسى ۆاكتسينانىڭ ءى كوم­پونەنتىن العان ەكەن. سونىڭ ىشىندە سپۋتنيك V ۆاكتسيناسىن – 176 537 ادام، QazVac ۆاكتسيناسىن – 16 349 ادام، Hayat-Vax ۆاكتسيناسىن – 24 984 ادام، Corona-Vac ۆاكتسيناسىن – 7 719 ادام، Vero Cell ۆاكتسيناسىن 20 421 ادام العان. بارلىعى 226 260 ادام ۆاكتسينانىڭ قوس كومپونەنتىمەن ەگىلگەن.

«Pfizer كومپانياسى ءوندىرىپ شىعار­عان «كوميرناتي» ۆاك­تسي­ناسىنىڭ 29 250 دوزاسى وبلى­سى­مىز­عا جەتكىزىلدى. قازىرگى ۋاقىتتا مساك ۇيىمدارىنا ۆاكتسينانى ءبولىپ تاراتۋ جۇرگىزىلۋدە. ەن­دى ۆاك­­تسينالاۋ باستالادى»، دەدى گۇلنار ماقسوتقىزى.

باتىس قازاقستان وب­لىس­تىق ساني­تاريالىق-ەپيدە­ميو­لوگيا­لىق­ با­قىلاۋ دەپار­تا­مەن­تى باس­شى­سى­نىڭ ورىنباسارى نۇرلىبەك مۇستاەۆتىڭ اي­­­تۋىنشا، وبلىس­تا سوڭعى اپتادا وتكەن اپتامەن سالىس­تىرعاندا اۋرۋشاڭدىق 13%-عا (207-دەن 180-گە) تومەندەگەن.

دەگەنمەن، ءبىلىم نىساندارىندا كوروناۆيرۋس تاراۋ وقيعاسى كەز­دە­سەدى. 1 قاراشادان بەرى وقۋ­شىلار اراسىندا – 69، پەداگوگتەر اراسىندا 11 ادام ۆيرۋس جۇقتىرعان. سونىمەن قاتار ارناۋلى ورتا وقۋ ورىندارىنىڭ 6 ستۋدەنتى، جوعارى وقۋ ورىن­دا­رى­نىڭ 8 ستۋدەنتى اۋىر­عان ەكەن.

قاۋىپتى ىندەت بويىنشا كۇر­­دەلى جاعداي قالىپتاسقان رەسەي فەدەراتسياسىمەن اراداعى مەم­لە­كەت­تىك شەكارا دا مۇقيات باقىلاۋعا الىنعان. ماسەلەن، 1 قاراشادان بەرى شەكارادان COVID-19 انىق­تا­ما­سىنسىز وتكەن 545 جولاۋشى، 592 جۇرگىزۋشى تەكسەرىلىپ، 4 ادام­نىڭ اۋىرعانى انىقتالعان. ولار بىردەن وقشاۋلانىپ، ءتيىستى شارالار جاسالعان.

كوروناۆيرۋستىڭ جاپپاي تارا­لۋ جولدارىن كەسۋ ءۇشىن مو­ني­­تورينگتىك توپتار قىز­مە­تىن جال­عاستىرىپ، سوڭعى اپتا ىشىن­دە 59 رەيد جۇرگىزگەن ەكەن. تەك­سە­رىلگەن 611 نىساننىڭ جە­تە­ۋى كارانتيندىك شارالاردى ساق­تا­ما­عانى انىقتالىپ، شارا قول­دا­نىلعان. سونداي-اق Ashyq قوسىمشاسى 1 قاراشادان بەرى وبلىستا سانيتارلىق-كاران­تين­دىك رەجىمدى بۇزعان 51 وقي­عا­نى انىقتاعان. وسىلايشا «قى­زىل» مارتەبەسى بار 44 ادام، «سارى» مارتەبەلى 7 ادام جازاعا تار­تىل­عان. وڭىردە 10 ماۋسىمنان بەرى وسىنداي اكىمشىلىك قۇقىق بۇ­زۋ­شىلىق تۋرالى كودەكستىڭ 425-بابى 1-بولىگىن بۇزعان جەكە تۇل­عا­لارعا 166 حاتتاما تولتىرى­لىپ، 7 234 160 تەڭگە ايىپپۇل سالىنعان ەكەن.

 

باتىس قازاقستان وبلىسى

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار