– اتىراۋ وبلىسىنا 9 قاراشادا Pfizer ۆاكتسيناسىن ساقتايتىن ەكى مۇزداتقىش اكەلىندى. ال وتكەن جۇمادا اتالعان ۆاكتسيانىڭ ەكى كومپونەنتى ءۇشىن 32 760 دوزا جەتكىزىلدى. ۆاكتسينا الدىن الا بەرىلگەن تىزىمگە سايكەس ەرىكتى تۇردە سالىنادى. بۇل ۆاكتسينانى الۋ ءۇشىن تۇرعىلىقتى مەكەن-جايىنا بايلانىستى تىركەلگەن ەمحاناعا جۇگىنۋ قاجەت. ال وقۋشىلار ءۇشىن مەكتەپتە ۆاكتسينا الۋ بەكەتىن ۇيىمداستىردىق, – دەيدى باسقارما باسشىسى اسحان بايدۋاليەۆ.
ونىڭ ايتۋىنا قاراعاندا, جىل باسىنان بەرى 2 803 بالانىڭ Covid-19 ينفەكتسياسىمەن اۋىرعانى راستالىپ وتىر. ونىڭ ىشىندە 143 بالا ينفەكتسيالىق ستاتسيونارلاردا ەمدەلگەن. وتكەن اپتادا كوروناۆيرۋس ينفەكتسياسىن جۇقتىرعان 37 بالا وقشاۋلانعان. ال امبۋلاتوريالىق ەمدەلۋگە 33 بالا جىبەرىلىپ, تورتەۋى ينفەكتسيالىق ستاتسيونارلاردا حاتتاماعا سايكەس ەم قابىلداعان. سول سەبەپتەن, بۇعان دەيىن مەكتەپ ديرەكتورلارىمەن, اتا-انالار قاۋىمداستىعىمەن بىرنەشە كەزدەسۋ وتكىزىلىپ, اقپاراتتىق ءتۇسىندىرۋ جۇمىسى جۇرگىزىلىپتى. ويتكەن ءالى دە كوروناۆيرۋس ينفەكتسياسىنىڭ تارالۋى توقتاعان جوق. قاۋىپتى ۆيرۋستى جۇقتىرۋشىلار اراسىندا كوز جۇمۋ دەرەگى دە كەزدەسىپ وتىر. بيىل انا ءولىمى تىركەلدى. سوندىقتان قاۋىپتى ۆيرۋستىڭ تارالۋىن توقتاتۋدىڭ, ودان قورعانۋدىڭ بىردەن ءبىر جولى – ۆاكتسينا سالدىرۋ.
20 قاراشادا رfizer ۆاكتسيناسىن العاشقىلاردىڭ قاتارىندا اتىراۋ قالاسىندا ورنالاسقان ف.دوسىموۆا اتىنداعى №12 ورتا مەكتەپتىڭ 10 جانە 11-سىنىپتارىندا وقيتىن 11 وقۋشى سالدىردى. اسىرەسە, قىزداردىڭ بەلسەندىلىگى جوعارى ەكەنى بايقالدى. ۆاكتسينا العان وقۋشىلارمەن وبلىس اكىمىنىڭ ورىنباسارى باقىتگۇل حامەنوۆا كەزدەستى.
– قازىر ەلىمىزدىڭ بارلىق وڭىرىندە بالالارعا, جۇكتى ايەلدەر مەن بالا ەمىزەتىن انالارعا Pfizer ۆاكتسيناسى سالىنىپ جاتىر. اتىراۋ وبلىسىندا ۆاكتسينانىڭ قاجەتتى دوزاسى جەتكىزىلگەن سوڭ, مەكتەپ وقۋشىلارى, جۇكتى جانە بالا ەمىزەتىن ايەلدەر ەگىلە باستالدى. ەلىمىزدە دە, وڭىردە دە ۆاكتسينانى الۋدىڭ ناتيجەسىندە ۇجىمدىق يممۋنيتەت قالىپتاسىپ, ينفەكتسيا جۇقتىرعان ناۋقاستاردىڭ سانى ازايىپ كەلەدى, – دەدى ب.حامەنوۆا.
دارىگەرلەر ۆاكتسينانى ەكپەس بۇرىن وقۋشىلاردىڭ دەنە قىزۋىن, قان قىسىمىن ولشەدى. اۋىز قۋىسىن, ناقتى ايتقاندا, تاماعىن تەكسەردى. ءدارى-دارمەكتەن اللەرگياسى بار-جوعىن انىقتادى. بالالارىنىڭ ۆاكتسينا الۋىنا كەلىسىم بەرگەن اتا-انالار ارنايى قۇجاتقا قول قويدى. بۇل كۇنى وسى مەكتەپتىڭ 9-سىنىبىندا وقيتىن داشاعا قولداۋ ءبىلدىرۋ ءۇشىن اجەسى ولگا پەتروۆا بىرگە كەلىپتى. ءوزى وقۋشىلارعا بيولوگيا پانىنەن ءدارىس بەرەدى. ونىڭ ايتۋىنشا, بالالاردىڭ قاۋىپتى ۆيرۋسقا شالدىقپاۋىنا الدىمەن اتا-اناسى جاۋاپتى بولۋى كەرەك.
– بيىلعى 1 اقپاندا تۇرعىنداردى جاپپاي ۆاكتسينالاۋ باستالعاندا, ءوزىم العاشقىلاردىڭ قاتارىندا ەكپە العان ەدىم. ەندى مىنە, نەمەرەمدى ۆاكتسينا سالدىرۋعا ارنايى ەرتىپ كەلدىم. ويتكەنى نەمەرەمنىڭ اۋىرماي, امان-ساۋ جۇرگەنىن قالايمىن. ءبىزدىڭ ءومىرىمىزدىڭ جالعاسى – بالالار. جالپى, بيولوگيا ءپانىنىڭ مۇعالىمى رەتىندە كوروناۆيرۋس ينفەكتسياسىنىڭ تارالۋىن ۆاكتسينا سالدىرۋ ارقىلى عانا تەجەۋگە بولاتىنىن جاقسى بىلەمىن. ءوزىمنىڭ دارىسىمدە وقۋشىلارعا ينفەكتسيالىق اۋرۋلاردان قورعانۋ قاجەتتىگى تۋرالى ءجيى اڭگىمەلەيمىن. ادامزات تاريحىنا زەر سالساق, جەر شارىندا ميلليونداعان جانداردىڭ پوليوميەليت, ۆيرۋستى گەپاتيت سەكىلدى ينفەكتسيالىق ىندەتتەردىڭ قۇربانى بولعانىن بىلەمىز. مۇنداي قاۋىپتى ۆيرۋستى ۆاكتسينامەن عانا جەڭۋگە بولادى. سوندىقتان اتا-انالار بالالارىنا جاناشىر بولۋ ءۇشىن ۆاكتسينا سالدىرۋدىڭ ماڭىزىن تۇسىندىرسە ەكەن, – دەگەن ويىمەن ءبولىستى ولگا پەتروۆا.
اتىراۋ قالالىق اكىمدىگىنە قاراستى گەولوگ ەلدى مەكەنىندەگى ەمحاناعا Pfizer ۆاكتسيناسىن سالدىرۋ ءۇشىن 12 ادام كەلدى. ونىڭ التاۋى – وقۋشى, وزگەلەرى – بالا ەمىزەتىن ايەلدەر. سولاردىڭ قاتارىندا كوپبالالى انا نۇرلى نابەرەنوۆا دا بار.
– ءوزىم وسى ەلدى مەكەندە تۇرامىن. ءتورت بالام بار. ەڭ كىشىسى – التى ايلىق. الەمدە دە, ەلىمىزدە دە كوروناۆيرۋس ينفەكتسياسىن جۇقتىرۋشىلار سانىنىڭ ازايماي وتىرعانىنا, بالالارىمنىڭ ومىرىنە الاڭداپ ءجۇرۋشى ەدىم. بالا ەمىزەتىن انالارعا Pfizer ۆاكتسيناسىن سالدىرۋعا بولاتىنىن بىلگەندە, العاشقىلاردىڭ قاتارىندا الۋعا شەشىم قابىلدادىم. ويتكەنى ەكپە الۋ ارقىلى قاۋىپتى ۆيرۋستان ءوزىمدى دە, بالالارىم مەن اعايىن-تۋىسىمدى قورعاۋعا بولاتىنىنا سەنەمىن, – دەيدى نۇرلى نابەرەنوۆا.
اتىراۋ وبلىسى
