بۇگىن بىشكەكتە باستالعان قازاقستان جانە قىرعىزستان جوعارى وقۋ ورىندارى رەكتورلارىنىڭ فورۋمى قارساڭىندا قازاق ۇلتتىق قىزدار پەداگوگيكالىق ۋنيۆەرسيتەتىنىڭ باسقارما توراعاسى – رەكتور گۇلميرا قاناي ي. اراباەۆ اتىنداعى قىرعىز مەملەكەتتىك ۋنيۆەرسيتەتى مەن ا. مىرسابەكوۆ اتىنداعى وش مەملەكەتتىك پەداگوگيكالىق ۋنيۆەرسيتەتىمەن ىنتىماقتاستىق مەموراندۋمىنا قول قويدى.
قۇجات اكادەميالىق ۇتقىرلىق باعدارلاماسى اياسىندا ستۋدەنتتەر, پروفەسسور-وقىتۋشىلار مەن عىلىمي قىزمەتكەرلەر الماسۋدى, ءبىلىم بەرۋ مەن عىلىمي بايلانىستاردى ارتتىرۋعا باعىتتالعان كونفەرەنتسيالار, سەمينارلار مەن جيىنداردى ۇيلەستىرۋدى قاراستىرادى.
سونداي-اق مەموراندۋمدا اكادەميالىق اقپاراتتارمەن, وقۋ-ادىستەمەلىك قۇرالدارمەن جانە ماتەريالدارمەن ءبولىسۋ, ءوزارا كەلىسىم-شارتتار نەگىزىندە باسقا دا اكادەميالىق ىنتىماقتاستىقتار ورناتۋ كوزدەلگەن.
كەزدەسۋدە گۇلميرا قاناي جوعارى وقۋ ورىندارىنىڭ ورتاق ۇقساستىقتارى جايىندا ءسوز قوزعاپ, تاراپتار ءتۇرلى باعىتتاعى قارىم-قاتىناستاردى نىعايتۋدىڭ ماسەلەلەرىن تالقىلادى.
ءوز كەزەگىندە ي. اراباەۆ اتىنداعى قىرعىز مەملەكەتتىك ۋنيۆەرسيتەتىنىڭ رەكتورى تولوبەك ابدىراحمانوۆ پەن ا. مىرسابەكوۆ اتىنداعى وش مەملەكەتتىك پەداگوگيكالىق ۋنيۆەرسيتەتىنىڭ رەكتورى بەكمۋرزا زۋلۋەۆ ىنتىماقتاستىقتى دامىتۋعا ەرەكشە نيەت بىلدىرەتىندەرىن جەتكىزدى.
