21 قاراشا كۇنى وتانداسى, امەريكالىق شون پورتەردى ونىنشى راۋندتا تەحنيكالىق نوكاۋتپەن جەڭگەن تەرەنس كروۋفورد جەكپە-جەكتەن كەيىنگى ءباسپاسوز ءماسليحاتىندا ءوزىنىڭ كاسىبي مانسابىنا قاتىستى بولاشاق جوسپارىمەن ءبولىستى.
«بوب بىرگە جۇمىس ىستەپ جۇرگەن كەزىمىزدە مەنى رينگتە ەررول سپەنسپەن كەزدەستىرە المادى. ول ەندى قالاي ماعان كوكتەمدە كەرەمەت بوكس كەشىن ۇيىمداستىرماق؟ بوكس كەشىن مەن ونىمەن كەلىسىمشارتتى بۇزعان سوڭ وتكىزبەكشى مە؟ مەن شەشىم قابىلدادىم. ەندى ءبىز بىرگە ەمەسپىز», دەدى ول.
تەرەنس كروۋفورد ءوز سالماعىنداعى باسقا چەمپيوندارمەن قولعاپ تۇيىستىرگىسى كەلەدى. ەررول سپەنس جانە يوردەنيس ۋگاسقا قارسى رينگكە كوتەرىلىپ, كاسىپقوي بوكستاعى ۇلكەن شايقاستاردا جەڭىسكە جەتۋدەن ءۇمىتتى.
