«وكىنىشكە وراي, اقمولا وبلىسىنىڭ شورتاندى اۋىلىندا گاز باللونى جارىلىسى سالدارىنان زارداپ شەككەن 2009 جىلى تۋعان بالا 20 قاراشا كۇنى كەشكە قايتىس بولدى.
ايتا كەتەيىك, بالا ەلوردالىق اۋرۋحاناعا وتە اۋىر جاعدايدا جەتكىزىلگەن. ول دەرەۋ رەانيماتسيا بولىمىنە جاتقىزىلدى, سەبەبى جاعدايى وتە اۋىر بولدى. دەنەنىڭ تەرميالىق كۇيىگى 70 پايىز بولدى. سونداي-اق وتە اۋىر دارەجەدەگى كۇيىك شوگى دا بايقالدى», دەدى نۇر-سۇلتان قالاسى دەنساۋلىق ساقتاۋ باسقارماسىنىڭ ءباسپاسوز قىزمەتىندەگىلەر.
ۆەدومستۆودان اتاپ وتكەندەي, بارلىق جۇرگىزىلگەن ەمدەۋ شارالارىنا قاراماستان, جانساقتاۋ بولىمشەسىندە بولعان ناۋقاستى قۇتقارۋ مۇمكىن بولمادى.
«20 قاراشادا بالانىڭ جۇرەگى توقتادى. جانساقتاۋ شارالار اياسىندا جۇرەك قىزمەتى قالپىنا كەلمەدى. ساعات 21:00-دە بيولوگيالىق ءولىم انىقتالدى. ءبىز بالانىڭ تۋىستارى مەن جاقىندارىنا قايعىرىپ كوڭىل ايتامىز», دەپ تولىقتىردى ۆەدومستۆودان.
ۆەدومستۆونىڭ مالىمەتىنشە, زارداپ شەككەن تاعى ءۇش بالانىڭ ءبىرىنىڭ جاعدايى اۋىر.
ء«ۇش بالانىڭ ءبىرىنىڭ دەنەسى 60 پايىز كۇيىك العان, جاعدايى وتە اۋىر جانساقتاۋ بولىمشەسىندە جاتىر. وتكەن اپتادا تاعى ەكەۋى بەيىندى بولىمشەگە اۋىستىرىلدى, وندا بارلىق قاجەتتى ەم الىپ, دارىگەرلەردىڭ باقىلاۋىندا بولادى. بالالاردىڭ جاعدايى تۇراقتى, ديناميكادا ناشارلاۋسىز», تۇيىندەدى نۇر-سۇلتان قالاسى دەنساۋلىق ساقتاۋ باسقارماسىنىڭ ءباسپاسوز قىزمەتىندەگىلەر.
ايتا كەتەيىك, 16 قاراشا كۇنى اقمولا وبلىسىنىڭ شورتاندى كەنتىندە گاز باللونى جارىلىپ, 3 ادام كوز جۇمدى, تاعى ون ادام اۋرۋحاناعا ءتۇستى. وقىس وقيعا تۇنگى ساعات 22:00 شاماسىندا شورتاندى كەنتىندە لينەينايا كوشەسىندەگى ءۇش پاتەرلى باراك ۇيدە بولدى. جارىلىستان كەيىن 3 پاتەر ورتەنىپ, ونىڭ ءبىر بولىگى قۇلادى.
