باۋىرلاس ەكى ەل اراسىنداعى مادەني قارىم-قاتىناستىڭ ءوربىپ دامۋىنا وزىندىك ۇلەسىن قوسىپ كەلە جاتقان يۋنۋس ەمرە اتىنداعى تۇرىك مادەنيەت ورتالىعى ءاردايىم قازاقستان جاستارىنا قولداۋ كورسەتىپ كەلەدى. ورتالىق وقۋشىلاردىڭ شىعارماشىلىق جاعىنان دامۋىنا, تالانتتارىن شىڭداۋلارىنا قول ۇشىن بەرەدى.
2019 جىلى ەلباسى نۇرسۇلتان نازارباەۆ تاراپىنان جاريالانعان جاستار جىلى اياسىندا ورتالىق وقۋشىسى نازەركە كەمەلباەۆانىڭ «قازاقستاندىقتاردىڭ كوزىمەن تۇركيا» اتتى جەكە سۋرەت كورمەسىن ۇيىمداستىرعان بولاتىن. وقۋشىلار تەك قانا ءتىل ۇيرەنىپ قويماي, ورتالىقتا تۇركيانىڭ مادەنيەتى مەن ونەرى, سالت-ءداستۇرىن دە جاقىننان تانىپ-بىلە الادى.
تۇركيانىڭ قازاقستانداعى ەلشىلىگىنىڭ قولداۋىمەن وتەتىن كورمەدە ورتالىقتىڭ وقۋشىسى, ءۇش قازاقستان ازاماتىنىڭ 35 كارتيناسى ەلوردا حالقىنىڭ نازارىنا ۇسىنىلادى. كورمەنىڭ اشىلۋ سالتاناتىنا تۇركيانىڭ قازاقستانداعى توتەنشە جانە وكىلەتتى ەلشىسى, ديپلوماتيالىق كورپۋس وكىلدەرى, قر پارلامەنت دەپۋتاتتارى, زيالى قاۋىم وكىلدەرى مەن سۋرەت ونەرىن سۇيەتىن قاۋىم قاتىسادى.
25 قاراشادا ساعات 15.00-تە حان شاتىر وسو-دا وتەتىن سۋرەت كورمەسىنىڭ تۇساۋكەسەرىنە نۇر-سۇلتان قالاسى تۇرعىندارى مەن قالا قوناقتارى دا قاتىسا الادى.
