«بۇل باسقوسۋ تاۋەلسىزدىگىمىزدىڭ مەرەيلى 30 جىلدىعى قارساڭىندا وتۋدە. وسى تاريحي مەجەگە ءبىز تولاعاي تابىسپەن جەتىپ وتىرمىز. قازاقستان ايماقتىق جانە جانە جاھاندىق ۇدەرىستەرگە بەلسەندى ءۇن قوساتىن مەملەكەتكە اينالدى. ەلباسى نۇرسۇلتان ءابىش ۇلى نازارباەۆ سىرتقى ساياساتىمىزدىڭ نەگىزىن قالادى. ونىڭ تىكەلەي باسشىلىعىمەن كاسىبي ديپلوماتيالىق قىزمەت قۇرىلىپ, اۋقىمدى سىرتقى ساياسي مىندەتتەر شەشىمىن تاپتى», دەدى مەملەكەت باسشىسى.
سونداي-اق پرەزيدەنت كاسپي تەڭىزىنىڭ قۇقىقتىق مارتەبەسى تۋرالى كونۆەنتسيانىڭ قابىلدانۋى ايتۋلى جەتىcتىك ەكەنىن ايتتى.
«بۇل مەملەكەتىمىزدىڭ قاۋىپسىزدىگىن كۇشەيتۋگە ايرىقشا ىقپال ەتكەن شەشىمگە اينالدى. كاسپي تەڭىزىنىڭ قۇقىقتىق مارتەبەسى تۋرالى كونۆەنتسيانىڭ قابىلدانۋى – ايتۋلى جەتىcتىك. بۇعان قول جەتكىزۋ ءۇشىن 20 جىل بويى تاباندى جۇمىس اتقارىلدى. كەلىسسوزدەرگە قاتىسقان قىزمەتكەرلەردىڭ ەڭبەگىن ەلىمىز جوعارى باعالايدى. مەن ولاردى مەملەكەتتىك ناگرادالارمەن ماراپاتتايتىن بولامىن», دەدى پرەزيدەنت.
