«شاعىن بيزنەسكە ارنالعان 100 جوبا»

ەلباسى ن.نازارباەۆ وتكەن جىل­دىڭ سوڭىندا ينۆەستيتسيالىق جوبالاردىڭ تۇساۋكەسەرىنە ارنال­عان تەلەكوپىردە ۇلتتىق كاسىپكەر­لەر پالاتاسىنا «شاعىن بيزنەسكە ارنالعان 100 جوبا» اتتى انىقتا­ما كىتابىن جاساپ شىعارۋدى تاپ­سىرعان بولاتىن. «بۇل كىتاپ بۇگىنگى تاڭدا ەلىمىزدەگى ەڭبەكقور ازاماتتاردى تۇراقتى تابىس كوزىمەن جانە جۇمىسپەن قامتاماسىز ەتەدى. قازاقستاندا 500 مىڭنان استام كوپبالالى انا, 600 مىڭنان استام مۇمكىندىگى شەكتەۋلى جاندار, 570 مىڭعا جۋىق ستۋدەنتتەر مەن 1,7 ملن. زەينەت جاسىنداعى وتانداستا­رىمىز تۇرۋدا. بۇل كىتاپ سول ازامات­تارعا دا ءوز ىسىمەن اينالىسۋعا ۇلكەن كومەگىن تيگىزەدى...» دەگەن ەدى  سول جولى نۇرسۇلتان ءابىش ۇلى. وسىعان وراي, وڭتۇستىك قازاق­ستان وبلىسى كاسىپكەرلەر پالاتاسىندا «شاعىن بيزنەسكە ار­نال­عان 100 جوبا» اتتى كىتاپتىڭ تۇساۋكەسەرى ءوتتى. قازاقستاندا العاش رەت جارىققا شىققان بۇل كىتاپتا شاعىن بيزنەسپەن اينالىسۋعا سەپ­تىگىن تيگىزەتىن جانە ءار سالالى 100 شاعىن بيزنەس جوسپارلار كور­سەتىلگەن. سونىمەن قاتار, كىتاپتا كا­سىپتى باستاۋعا قارجى تابۋ كوزدەرى, مەملەكەتتىك باعدارلامالاردىڭ شارتتارى, قۇرال-جابدىقتاردى جەتكىزۋ مەن قامتاماسىز ەتۋ, بيز­نەستى وقىتۋ جانە تاعى دا باسقا اقپاراتتار قامتىلعان. – ءوز كاسىبىڭدى باستاۋ – ءاردايىم كوپتەگەن سۇراقتار مەن ماسەلەلەردى شەشۋدى تالاپ ەتەدى, – دەيدى وقو كاسىپكەرلەر پالاتاسىنىڭ ديرەكتورى نۇرجان التاەۆ. – باسىلىمدا كاسىپكەرگە العاشقى ەسەپتەرىن دۇرىس جاساۋعا جاردەم بولاتىن ناقتى اقپارات كورسەتىلگەن. كاسى­بىنىڭ دامىپ, ورگە دومالاۋ­ىن قامتاماسىز ەتۋ ءۇشىن, بيزنەس الەمىنىڭ باستى ماسەلەلەرىن اي­قىنداپ, ولاردى شەشۋگە جول باعىتتايتىن وسى كىتاپتى جاڭا كاسىپ­كەرلەرگە ۇسىنىپ وتىرمىز. بيزنەس الەمىنە ەندى بەت بۇ­رىپ, ءوز ءىسىن جاڭادان باستاپ جات­قان كاسىپكەرلەر وبلىس حالقىن, اسىرە­سە اۋىل-ايماق تۇرعىندارىن كاسىپ­كەرلىككە باۋلۋ مەن ۇيرەتۋدى باستى ماقسات تۇتقان بۇل كىتاپتىڭ كوپتە­گەن ەسەپ-قيساپتى جۇرگىزۋگە كەتەتىن ۋاقىتتى ۇنەمدەيتىنىنە سەنىمدى. ورالحان ءداۋىت, «ەگەمەن قازاقستان». وڭتۇستىك قازاقستان وبلىسى.