وسى ورايدا, بولۋى مۇمكىن توتەنشە جاعدايعا بايلانىستى دايىندىقتى كۇشەيتۋ ماقساتىندا وبلىستىق توتەنشە جاعدايلار دەپارتامەنتى باستىعىنىڭ ورىنباسارى ماقسات قوسىباەۆ تاراز قالاسىنىڭ جانە بارلىق اۋداننىڭ اكىمدەرىنە, سونىمەن قاتار ءتيىستى مەكەمە باسشىلارىنا قىزمەتتىك حات جولداعان. الايدا قالىڭ قار جاۋماسا دا, قاتتى داۋىل تۇرىپ, تابيعاتتىڭ توسىن مىنەزى ءبىر-اق كۇندە اۋليەاتا حالقىن ابىگەرگە ءتۇسىردى.
سەيسەنبىدەن سارسەنبىگە قاراعان ءتۇنى, ياعني 17 قاراشادا جامبىل وبلىسىندا سەكۋندىنا 38 مەترگە دەيىن داۋىل تۇرىپ, توتەنشە جاعداي ورىن الدى. تاراز قالاسىن دا شاڭدى داۋىل باسىپ, شاھار تۇرعىندارى جارىق جانە جىلۋسىز قالدى. تۇسكە دەيىن داۋىلدىڭ سالدارىنان «سولنەچنىي» كەنتى, اراي, بۋرىل, قاراساي, بارىسحان الاپتارى مەن سابالاقوۆ, بەيبىتشىلىك, چەرنىشەۆ, اسقاروۆ كوشەسىنىڭ اياعى, سونىمەن قاتار شالعاي قاراسۋ, ءشولدالا جانە 28 ساياجاي الاپتارى, قولباسشى قويگەلدى, قازىبەك بي, د.قوناەۆ, بايزاق باتىر, ءا.كومراتوۆ كوشەلەرىندەگى تۇرعىن ۇيلەر مەن 1, 2, 4 جانە 11-شاعىن اۋداندار, حيمپوسەلوك شاعىن اۋدانى, قان ورتالىعى, قالالىق اۋرۋحانا ماڭى, №5 ەمحانا, ە.نيەتقاليەۆ كوشەسىنىڭ اياق جاعىنداعى ۇيلەر ەلەكتر ەنەرگياسىنان اجىراتىلدى. تاراز قالالىق ەلەكتر جەلىلەرى كاسىپورنىنىڭ 22 بريگاداسى اپات سالدارىن جويۋ جۇمىسىنا جۇمىلدىرىلدى. ودان بولەك, قاتتى جەلدەن ەلدى مەكەندەردەگى ۇيلەردىڭ دە قورشاۋى قۇلاپ, اعاشتار سىندى. داۋىل سالدارىنان قۇلاعان اعاشتار كوشەدەگى گاز قۇبىرلارىنا زاقىم كەلتىردى. اپاتتى جاعداي ودان ءارى ۋشىعىپ كەتپەس ءۇشىن گاز تاراتۋ سالاسىنىڭ قىزمەتكەرلەرى زاقىمدانعان قۇبىرلارعا گاز بەرۋدى ۋاقىتشا توقتاتتى. سونداي-اق قاتتى جەلدىڭ سالدارىنان گاز قۇبىرلارىنا اعاش, ءۇي قورشاۋلارى مەن شاتىرلارى قۇلاعان. 17 قاراشا كۇنگى ساعات 12:00-گە دەيىن تاراز قالاسىندا گاز قۇبىرىن قۇلاتقان 25 وقيعا, جامبىل اۋدانىندا 16 وقيعا, جۋالى مەن بايزاق اۋداندارىندا گاز قۇبىرىنا اعاش قۇلاۋ سالدارىنان گازدان اجىراتۋدىڭ وقيعاسى تىركەلگەن. الايدا جەلدەن ب ۇلىنگەن جەرلەردى قالپىنا كەلتىرۋ جۇمىستارىن تابيعاتتىڭ قولايسىزدىعىنا بايلانىستى دەر كەزىندە جۇرگىزۋ مۇمكىن بولماعان.
جالپى, تابيعاتتىڭ توسىن مىنەزىنەن كەلگەن شىعىن از بولماپتى. داۋىل سالدارىنان وبلىس ورتالىعىنداعى بىرقاتار نىسان زارداپ شەككەن. اتاپ ايتساق, قالا بويىنشا 18 كوپقاباتتى تۇرعىن ءۇيدىڭ جانە 16 مەكتەپ پەن 4 بوبەكجاي-باقشانىڭ شاتىرلارى زاقىمدالىپ, 4 بالاباقشانىڭ قورشاۋىنا نۇقسان كەلدى. تاراز كوشەلەرىندە 18 ەلەكتر باعاناسى قۇلاپ, 1,5 شاقىرىم ەلەكتر جەلىلەرى ۇزىلگەن. جىلۋ بەرۋشى كاسىپورىندارداعى 5 كىشى قازاندىقتا ەلەكتر جەلىلەرى زاقىمدالىپ, جىلۋ بەرۋ ۋاقىتشا توقتاتىلدى. «قالا كوشەلەرىندە 45-تەن اسا ۇلكەندى-كىشىلى تالدار مەن 12 ايالداما قۇلاپ, 32 باعدارشام ىستەن شىقتى. قالا بويىنشا 34 بيلبورد, 9 پيلوننىڭ باننەرلەرى مەن 64 جالاۋشا جىرتىلدى. پيلونداردىڭ 2 دانا كونسترۋكتسياسى مەن 4 بيلبوردتىڭ كونسترۋكتسيالارى كۇلادى. سونىمەن قاتار تاستاق, كىرپىش زاۋىتى, قىزىل-اباد, كولتوعان الاپتارى, جەلتوقسان-قوناەۆ كوشەلەرىنىڭ قيىلىسى مەن ايتەكە بي كوشەسى №11 ءۇيدىڭ ماڭىنداعى 6 سپورت الاڭقايىنىڭ قورشاۋلارى مەن توسەندىلەرى زاقىمدالعان. بارلىق مەكتەپتەگى وقۋشىلار كۇندىزگى 10:00-دە ۇيلەرىنە قايتارىلىپ, وقۋ ونلاين جۇيەگە اۋىستىرىلدى. قازىرگى تاڭدا قۇلاعان اعاشتاردى كەسۋ جانە اۋماعىن تازالاۋ جۇمىستارىنا «جاسىل ەل-تاراز» جاۋاپكەرشىلىگى شەكتەۋلى سەرىكتەستىگى ارقىلى 6 بريگادا تارتىلىپ, جۇمىستار جۇرگىزىلۋدە. ەلەكتر جۇيەلەرىن قالپىنا كەلتىرۋ جۇمىستارىنا «جەس» جاۋاپكەرشىلىگى شەكتەۋلى سەرىكتەستىگى مەن تاراز قالالىق ەلەكتر جۇيەسى تاراپىنان 21 بريگادا جۇمىلدىرىلىپ, قايتا قوسۋ جۇمىستارى جۇرگىزىلۋدە», دەيدى تاراز قالاسى اكىمىنىڭ ورىنباسارى اسحات ەسەناليەۆ.
قاتتى جەلدىڭ سالدارىنان ادامدار دا زارداپ شەگۋدە. مالىمەت بويىنشا وبلىستا بارلىعى 49 ادام مەديتسينالىق كومەككە جۇگىنگەن. «تاراز قالالىق كوپبەيىندى اۋرۋحاناسىنان 41 ادام دارىگەرلىك كومەك الىپ, 4 تۇرعىن ستاتسيونارعا جاتقىزىلدى. ال وبلىستىق كوپبەيىندى بالالار اۋرۋحاناسىنا 4 بالا ءتۇسىپ, ونىڭ ۇشەۋى ستاتسيونارعا جاتقىزىلدى. ءبىر بالا امبۋلاتورلى تۇردە ەم قابىلداۋدا. بايزاق اۋداندىق ورتالىق اۋرۋحاناسىنا 4 ادام تۇسكەن. مۇندا 1 ادام ستاتسيونارعا جاتقىزىلسا, 3 ادام امبۋلاتورلى ەم قابىلداۋدا. مەديتسينالىق كومەككە جۇگىنگەندەردىڭ باسىم كوپشىلىگى تەرەزە, قاقپا جانە تاعى دا باسقا زاتتاردىڭ قۇلاۋىنان جاراقات العان», دەيدى وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ جەتەكشىسى تولقىن ومىرباەۆا.
قازىرگى كەزدە وڭىردەگى بارلىق كوممۋنالدىق كاسىپورىن مەن مەكەمە كۇشەيتىلگەن رەجىمدە جۇمىس ىستەۋدە. زاقىمدانعان نىساندار مەن ينفراقۇرىلىمداردى قالپىنا كەلتىرۋ جۇمىستارى جالعاسۋدا.
جامبىل وبلىسى
