تاراپتار قازاقستان مەن ەۋروپا كەڭەسىنىڭ ەكىجاقتى كۇن ءتارتىبىنىڭ وزەكتى ماسەلەلەرىن, سونىڭ ىشىندە ەكپا-مەن, قۇقىق ارقىلى دەموكراتيا ءۇشىن ەۋروپالىق كوميسسيامەن جانە سىبايلاس جەمقورلىققا قارسى ەك مەملەكەتتەرىنىڭ توبىمەن ىنتىماقتاستىق ماسەلەلەرىن تالقىلادى.
ءمينيستردىڭ ورىنباسارى قازاقستان مەن ەكپا اراسىنداعى ساياسي ديالوگ دامۋىنىڭ وڭ ديناميكاسىن اتاپ ءوتىپ, زاڭ شىعارۋ قىزمەتىندە تاجىريبە الماسۋ, دەموكراتيا مەن قۇقىق ۇستەمدىگى قاعيداتتارىن ىلگەرىلەتۋ, سونداي-اق قازاقستاننىڭ بىرقاتار ەۋروپالىق كونۆەنتسيالارعا, ونىڭ ىشىندە ەۋروپا كەڭەسىنىڭ سىبايلاس جەمقورلىق ءۇشىن قىلمىستىق جاۋاپكەرشىلىك تۋرالى كونۆەنتسياسىنا قوسىلۋى تۇرعىسىنان بىرلەسكەن جۇمىستىڭ ماڭىزدىلىعىن اتاپ ءوتتى.
ءوز كەزەگىندە ر.دەمس قازاقستاننىڭ ساياسي رەفورمالاردى جۇزەگە اسىرۋداعى جۇمىسى مەن جەتىستىكتەرىن قۇپتاپ, ەكپا-نىڭ قازاقستانمەن پارلامەنتارالىق بايلانىستاردى نىعايتۋعا جانە ەۋروپا كەڭەسىنىڭ باسقا ينستيتۋتتارى شەڭبەرىندەگى ىنتىماقتاستىقتى كەڭەيتۋگە جاردەمدەسۋگە دايىن ەكەندىگىنە سەندىردى.
قازاقستان رەسپۋبليكاسىنىڭ پارلامەنتى مەن ەۋروپا كەڭەسىنىڭ پارلامەنتتىك اسسامبلەياسى (ەكپا) اراسىنداعى ىنتىماقتاستىق تۋرالى كەلىسىمگە ەكپا-نىڭ كوكتەمگى سەسسياسى شەڭبەرىندە 2004 جىلعى 30 ساۋىردە ستراسبۋرگتە قول قويىلدى.
