ۇلتتىق سپورت • 17 قاراشا، 2021

ۇلت سپورتىن ۇلىقتاعاندار

150 رەت كورسەتىلدى

اتىراۋدا ۇلتتىق سپورتتان وتكەن باتىس ايماقتىق اشىق ءتۋرنيرى ەل تاۋەلسىزدىگىنىڭ 30 جىلدىعىنا ورايلاستىرىلدى. Suleimen Promotions جشس ۇيىمداستىرعان ءتۋرنير­دىڭ جۇلدە قورى – 14 ملن 500 مىڭ تەڭگە. تارتىسقا تولى ءدۇبىرلى دودادا كوكپار سا­يىس­ى مەن الامان، قۇنان بايگەلەردە وزا شاپقان مىقتىلار انىقتالدى.

الامان بايگەگە قوسىلعان قىلقۇيرىقتى جۇيرىكتەر 24 شاقىرىمدىق قاشىقتىققا شاپتى. بۇل دودادا ءبىرىنشى ورىندى ماڭعىستاۋ وبلىسىنىڭ شاشاسىنا شاڭ جۇقپاعان «مۇزبالاق» اتالعان جۇيرىگى يەلەنىپ، يەسى – نىسانبەك تاڭا­تاروۆقا 2 ملن تەڭگە بەرىلدى. ەكىنشى جۇلدە – 1 ملن تەڭگەگە تاعى ءبىر ماڭعىستاۋلىق «اقجاۋىن­نىڭ» يەسى ەرالى يباشەۆ يە بولدى. ال مارەگە ءۇشىنشى بولىپ جەتكەن باتىس قازاقستان وبلىسىنان نۇربەك ساعىنباەۆتىڭ «قاڭتاڭىر» جۇيرىگى جەتتى. وعان 500 مىڭ تەڭگە تابىس ەتىلدى.

قۇنان بايگەنىڭ قاشىقتىعى 9 شاقىرىمدى قۇرادى. بۇل دودادا ءبىر-بىرىمەن اۋىزدىق تىرەسكەن ءۇش جۇيرىك انىقتالدى. مارە سىزىعىن ءبىرىنشى قيعان – باتىسقازاقستاندىق بەكزات ومىرعاليەۆتىڭ جۇيرىگى. جەڭىمپاز جۇيرىكتىڭ يەسى 500 مىڭ تەڭگەنى يەلەندى. ودان كەيىنگى ەكىنشى جۇلدەنى اقتوبە وبلىسىنان قاتىسقان نۇرلىبەك بالىمبەكوۆتىڭ قۇنانى يەلەنىپ، يەسى 300 مىڭ تەڭگەمەن ماراپاتتالدى. ءۇشىنشى ورىننىڭ 200 مىڭ تەڭگەسى اتىراۋ وبلىسىنىڭ جىلىوي اۋدانىنان الدوڭعار مىرزاعاليەۆ بايگەگە قوسقان جۇيرىككە بەرىلدى.

سونداي-اق كوكپارشىلاردىڭ سايىسى دا تارتىستى ءوتتى. بۇل دودادا ماڭعىستاۋ وبلىسىنىڭ نا­مىسىن قورعاعان «اداي اتا» كومانداسى قارسى­لاستارىنان باسىم ءتۇسىپ، 3 ملن تەڭگەنى ۇتىپ الدى. بۇدان كەيىنگى ورىنداردى اتىراۋ قالاسىنان قاتىسقان ەكى كوماندا ءوزارا ءبولىستى. ەكىنشى ورىن العان «سۇلەيمەن» كومانداسى 2 ملن تەڭگەنىڭ، ءۇشىنشى ورىندى قاناعات تۇتقان «سارايشىق» كومانداسى 1 ملن تەڭگەنىڭ جۇلدەسىن يەلەندى.

 

سوڭعى جاڭالىقتار

سينگاپۋردىڭ سوڭعى اۋىلى

الەم • بۇگىن، 17:55

پەتر يان ۇزدىكتەر قاتارىنا ەندى

جەكپە-جەك • بۇگىن، 16:05

ۇقساس جاڭالىقتار