پرەزيدەنتتىڭ ايتۋىنشا, سوڭعى جىلدارى الاياقتىقپەن بايلانىستى قىلمىستار سانى ءوسىپ بارادى. توعىز ايدا ەلدە 32 مىڭ الاياقتىق فاكتىسى تىركەلگەن, ولاردىڭ تەڭ جارتىسى ينتەرنەت ارقىلى جاسالىپتى.
«كرەديت تاريحىنداعى وزگەرىستەر 15 جۇمىس كۇنى ىشىندە جاڭاراتىندىقتان, وسىنداي جاعدايلار بولىپ جاتادى. سونىمەن قاتار ءبىر ادام ءتۇرلى بانكتە بىرنەشە كرەديت راسىمدەيتىن فاكتىلەر دە كەزدەسەدى», دەدى توقاەۆ ۇلتتىق قوعامدىق سەنىم كەڭەسىنىڭ التىنشى وتىرىسىندا.
ونىڭ ايتۋىنشا, كرەديتورلار ازاماتتاردىڭ بورىش جۇكتەمەسى كۇرت وسكەنىن بايقامايدى جانە ونى وبەكتيۆتى تۇردە ەسەپتەي دە المايدى.
«ونىڭ ۇستىنە بۇل قارجى نارىعى سۋبەكتىلەرىنە دە تەرىس اسەر ەتەدى, ءوتىمسىز قارىز پورتفەلىن ۇلعايتادى. كەڭەس مۇشەسى مارات شيبۇتوۆ بۇعان دەيىن كرەديتتىك بيۋروعا اقپارات جىبەرۋ مەرزىمىن زاڭنامالىق تۇرعىدا ءبىر جۇمىس كۇنىنە دەيىن قىسقارتۋدى ۇسىندى. بۇل ۇسىنىستى زەردەلەگەن ءجون», دەدى پرەزيدەنت.
