ايماقتار • 15 قاراشا, 2021

الماتىدا كارانتين تالاپتارى جەڭىلدەيدى

150 رەت

كورسەتىلدى

1 مين

وقۋ ءۇشىن

الماتى اپتا سوڭىنا دەيىن كوروناۆيرۋستىڭ تارالۋ قارقىنى بويىنشا «جاسىل» ايماقتا قالسا, كارانتين شارالارى جەڭىلدەتىلۋى مۇمكىن, دەپ حابارلايدى Egemen.kz.

گاۋھار قاپاش

الماتى 14 قاراشادان باستاپ «جاسىل» ايماققا ءوتتى. الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى سادۋاقاس بايعابىلوۆتىڭ ايتۋىنشا, كوروناۆيرۋس تارالۋى بويىنشا جاعداي ودان ءارى تۇراقتالسا, قالا جەتى كۇن ىشىندە «جاسىل» ايماقتا بولسا, 21 قاراشادان باستاپ الماتىدا «جاسىل» ايماققا ساي جۇمىس رەجيمى ەنگىزىلەدى.

ەگەر قالا «جاسىل» ايماققا اۋىسسا, Ashyq نىساندارىنىڭ جۇمىس ۋاقىتى ەكى ساعاتقا ارتادى. «Ashyq كوشباسشىلارى» 05.00-گە دەيىن, باسقا Ashyq مۇشەلەرى 03.00-گە دەيىن جۇمىس ىستەيدى. سونداي-اق, Ashyq نىساندارىنا كەلۋشىلەر سانى ارتادى.

ءتۇرلى ءىس-شارالاردى وتكىزۋ ەرەجەلەرى دە وزگەرەدى. كەلۋشىلەر مەن قىزمەتكەرلەردە «جاسىل» مارتەبە بولعان كەزدە:

سالتاناتتى, ەستەلىك, وتباسىلىق ءىس-شارالاردى (بانكەتتەر, ۇيلەنۋ تويلارى, مەرەيتويلار) وتكىزۋ - 50 پايىزعا دەيىن, بىراق 100 ورىننان اسپايتىن;
ادام كوپ جينالاتىن كونفەرەنتسيالار, فورۋمدار, ويىن-ساۋىق جانە وزگە دە ءىس-شارالار وتكىزۋ - 50 پايىزعا دەيىن, بىراق 100 ورىننان اسپايتىن;
كورمەلەر - ءبىر ۋاقىتتا 70 پايىزدان ارتىق ەمەس, بىراق 500 ادامنان اسپايتىن;
كورەرمەندەردىڭ قاتىسۋىمەن سپورتتىق ءىس-شارالار - 80 پايىزدان اسپايتىن.

ەسكە سالايىق, 15 قاراشادا الماتى كوروناۆيرۋس جاعدايى بويىنشا «جاسىل» ايماقتا قالدى.