بيىلعى قاراشانىڭ 14-دە ساعات 10:30 شاماسىندا جاقسى اۋداندىق پب كەزەكشى بولىمىنە جاقسى اۋىلى تاۋەلسىزدىك كوشەسى, 30 مەكەنجايىندا ورنالاسقان تۇرعىن ۇيدەگى پاتەردەن 56 جاستاعى ەر ادامنىڭ, 50 جاستاعى ءبىر ەر ادام مەن ءبىر ايەلدىڭ دەنەسى تابىلعانى تۋرالى حابار تۇسكەن.
كوز جۇمعان 50 جاستاعى ەر ادام «جاقسى سۋ ارناسى» كوممۋنالدىق كاسىپورنىندا ەلەكتريك بولىپ جۇمىس ىستەسە, 56 جاستاعى ەر ادام مەن 50 جاستاعى ايەل - جۇمىسسىزدار. پوليتسياعا حابارلاپ ايتقان ادام 50 جاستاعى ەلەكتريك تەلەفوندى كوتەرمەگەن سوڭ ۇيىنە بارعان, سول كەزدە پاتەر ىشىنەن ءۇش ادامنىڭ دەنەسىن كورگەن.
الدىن الا انىقتالعان مالىمەتتەر بويىنشا, ءۇش ادام دا ءيىس ءتيىپ كوز جۇمعان, دەنەلەرىندە كۇش قولدانۋ بەلگىلەرى جوق. سونىمەن بىرگە, پاتەر ىشىنەن مەديتسينالىق ەتيل ءسپيرتىنىڭ قالدىعى بار شولمەكتەر تابىلدى.
وقيعانى اقمولا وبلىستىق پوليتسيا دەپارتامەنتىنىڭ ءباسپاسوز قىزمەتى راستادى. قازىرگى كەزدە سوت-مەديتسينالىق ساراپتاما تاعايىندالىپ, وقيعانىڭ ءمان-جايى انىقتالىپ جاتىر.
