سولتۇستىك-باتىس تسيكلونى قازاقستان تەرريتورياسىمەن تەز جىلجي وتىرىپ, ەلىمىزدىڭ سولتۇستىك جارتىسىنا كوبىنەسە قار تۇرىندەگى, وڭتۇستىگىنە جاڭبىر تۇرىندەگى جاۋىن-شاشىن الىپ كەلەدى. رەسپۋبليكانىڭ باسىم بولىگىندە جەلدىڭ كۇشەيۋى, سولتۇستىكتە جاياۋ بۇرقاسىنمەن, كوكتايعاق, وڭتۇستىكتە تۇمان كۇتىلەدى.
اقمولا وبلىسىنىڭ وڭتۇستىك-شىعىسىندا كوكتايعاق, جاياۋ بۇرقاسىن, جەلدىڭ 15-20 م/س كۇشەيۋى كۇتىلەدى. قوستاناي وبلىسىنىڭ سولتۇستىگىندە جەلدىڭ 15 م/س كۇشەيۋى جاياۋ بۇرقاسىنمەن كۇتىلەدى. اقتوبە وبلىسىنىڭ باتىسى مەن سولتۇستىگىندە جاياۋ بۇرقاسىن, كوكتايعاق كۇتىلەدى.
تۇركىستان وبلىسىنىڭ سولتۇستىگىندە, باتىسىندا جانە تاۋلى اۋداندارىندا جەل 15-20, تۇندە ەكپىنى 23 م/س كۇشەيەدى, وبلىستىڭ وڭتۇستىگى مەن تاۋلى اۋداندارىندا تۇمان كۇتىلەدى. شىعىس قازاقستان وبلىسىنىڭ سولتۇستىگىندە جاياۋ بۇرقاسىن, تۇمان, كوكتايعاق, وبلىستىڭ باتىسىندا جەلدىڭ 15-20 م/س كۇشەيۋى كۇتىلەدى. قاراعاندى وبلىسىنىڭ سولتۇستىگىندە, شىعىسى مەن ورتالىعىندا كوكتايعاق, جاياۋ بۇرقاسىن, جەل 15-20 م/س كۇتىلەدى.
جامبىل وبلىسىنىڭ وڭتۇستىك-باتىسىندا, سولتۇستىك-شىعىسىندا جانە تاۋلى اۋداندارىندا جەل 15-20, تۇندە ەكپىنى 23-28, كەي ۋاقىتتاردا 30 م/س جانە ودان اسا كۇتىلەدى, تۇندە جانە تاڭەرتەڭ وبلىستىڭ وڭتۇستىك-باتىسىندا, سولتۇستىك-شىعىسىندا جانە تاۋلى اۋداندارىندا تۇمان, كوكتايعاق, جاياۋ بۇرقاسىن كۇتىلەدى.
تاڭەرتەڭ جانە كۇندىز قىزىلوردا وبلىسىنىڭ سولتۇستىگىندە كوكتايعاق بولادى. سولتۇستىك قازاقستان وبلىسىنىڭ وڭتۇستىك-باتىسىندا, ماڭعىستاۋ وبلىسىنىڭ باتىسى مەن سولتۇستىك-شىعىسىندا, تاڭەرتەڭ جانە تۇندە اتىراۋ وبلىسىنىڭ باتىسىندا تۇمان كۇتىلەدى. باتىس قازاقستان وبلىسىنىڭ سولتۇستىگىندە تۇمان, كوكتايعاق كۇتىلەدى. الماتى وبلىسىنىڭ وڭتۇستىگى مەن شىعىسىندا تۇمان, كوكتايعاق, سولتۇستىگى, وڭتۇستىگى مەن شىعىسىندا جەل 15-20, كۇندىز ەكپىنى 25 م/س كۇتىلەدى.
