رەسەيلىك تىركەۋ نومىرلەرى بار «تويوتا» كولىگىنىڭ 46 جاستاعى جۇرگىزۋشىسى تۇندە كەنەسارى كوشەسىمەن كەلە جاتىپ, جولداعى قاشىقتىقتى ساقتاماي, الدىندا تۇرعان كولىكپەن سوقتىعىستى.
پاترۋلدىك پوليتسيا پولكىنىڭ قىزمەتكەرلەرى قۇجاتتارىن تەكسەرۋ كەزىندە جۇرگىزۋشىنىڭ الكوگولدىك ماس كۇيىندە ەكەنىن انىقتادى.
سونداي-اق, كولىك ءپاترۋلى جول ەرەجەسىن بۇزعان «نيسسان» ماركالى كولىك جۇرگىزۋشىسىن توقتاتتى. رەسپۋبليكا داڭعىلىمەن كەلە جاتقان ول جاياۋ جۇرگىنشىنى وتكىزبەگەن. پاترۋلدىك پوليتسيا قىزمەتكەرلەرى كولىكتى توقتاتتى. تەكسەرۋ بارىسىندا 32 جاستاعى جۇرگىزۋشىنىڭ كولىك قۇرالدارىن جۇرگىزۋ قۇقىعىنان ايىرىلعانىن انىقتادى.
مەديتسينالىق كۋالاندىرۋ قورىتىندىسى بويىنشا, جۇرگىزۋشىلەردىڭ ەكەۋى دە ورتاشا دارەجەدە ماس كۇيىندە بولعانى انىقتالعان. كولىكتەر كوممۋنالدىق اۆتوتۇراققا كىرگىزىلدى. جينالعان ماتەريالدار پروتسەسسۋالدىق شەشىم قابىلداۋ ءۇشىن سوتقا جىبەرىلدى.
قر اكىمشىلىك قۇقىقبۇزۋشىلىقتار تۋرالى كودەكستىڭ 608-بابىنىعڭ 1-بولىمىنە سايكەس, جۇرگىزۋشىلەر 15 تاۋلىككە قاماۋعا الىنىپ, 7 جىلعا جۇرگىزۋشى كۋالىگىنەن ايىرىلادى. جول قاۋىپسىزدىگىن كۇشەيتۋ ماقساتىندا, 8-17 قاراشا كۇندەرى قالا اۋماعىندا «قاۋىپسىز جول» رەسپۋبليكالىق جەدەل الدىن الۋ شاراسى جۇرگىزىلۋدە.
