ءبىرىنشى كەزەكتە دانياردىڭ كومانداسى امەريكالىق موريس حۋكەرگە نازار اۋدارىپ وتىر. اقش بوكسشىسى 2018 جىلى ءبىرىنشى جارتىلاي ورتا سالماق دارەجەسىندە WBO تۇجىرىمى بويىنشا الەم چەمپيونى اتاعىنا دەيىن قول جەتكىزگەن بولاتىن. كەيىن ول جارتىلاي ورتا سالماققا اۋىسىپ, ۆيردجيل ورتيستەن نوكاۋتپەن جەڭىلدى.
كوماندا حۋكەرمەن كەلىسە الماعان جاعدايدا تاعى ءبىر امەريكالىق حوسەسيتو لوپەسپەن كەلىسۋگە تىرىسادى. لوپەستىڭ كومانداسىمەن كەلىسسوزدەر ءساتسىز اياقتالعان جاعدايدا دانياردىڭ مەنەدجەرلەرى سەباستيان فورمەللانى كوندىرۋگە تىرىسادى. بۇل دا جاقسى نۇسقا ەكەنى داۋسىز.
قالاي بولعان كۇندە دە جاقىن كۇندەرى وسى ءۇش بوكسشىنىڭ ءبىرى دانيار ەلەۋسىنوۆتىڭ قارسىلاسى اتانادى. جۇرتتىڭ ءبارى قازاق بوكسشىسىنىڭ بولاشاقتا ۆيردجيل ورتيسپەن قولعاپ تۇيىستىرگەنىن قالايتىنىن ەسكەرسەك, قارسىلاس رەتىندە حۋكەردىڭ تاڭدالعانى ءجون بولارى ءسوزسىز. مۇنداي جەكپە-جەك وتكەن جاعدايدا دانياردىڭ الەۋەتىن تولىق كورۋگە مۇمكىندىك تۋماق.
