جاپاروۆ تۇرىك كاسىپكەرلەرىنە ايماققا ەرەكشە مارتەبە بەرىلگەنىن ايتتى.
س. جاپاروۆتىڭ ايتۋىنشا, باتكەن وبلىسىنا ەرەكشە مارتەبە بەرۋ ءوڭىردىڭ الەۋمەتتىك-ەكونوميكالىق دامۋىنا بايلانىستى حالىقتىڭ ءومىر ءسۇرۋ ساپاسىن جاقسارتادى. بۇل بيزنەستى دامىتۋعا, حالىقتى جۇمىسپەن قامتۋعا جانە ايماقتىق دامۋعا مۇمكىندىك بەرەدى.
پرەزيدەنت ەل زاڭناماسىنا سايكەس وبلىس اۋماعىندا ارنايى جەڭىلدەتىلگەن سالىق بارىن جانە ينۆەستيتسيالىق رەجيمدەر جۇمىس ىستەيتىنىن قوستى.
ونىڭ تۇسىندىرۋىنشە, وڭىرگە ينۆەستيتسيا سالاتىن كاسىپكەرلەر سالىقتىڭ ءتورت تۇرىنەن بوساتىلادى: م ۇلىك سالىعى, جەر سالىعى, تابىس سالىعى جانە ساتۋ سالىعى. بۇل رەتتە ونەركاسىپتىك, پايدالى جانە قاجەتتى تاۋارلاردى اكەلۋ كەزىندە كەدەندىك باج سالىعى 0 پايىزعا دەيىن, ال تابىس سالىعى 10 پايىزدان 5 پايىزعا دەيىن تومەندەتىلەدى.
سونداي-اق پرەزيدەنت قىرعىزستاننىڭ ونەركاسىپتىك كووپەراتسيانى كەڭەيتۋگە, مەملەكەتتىك-جەكەمەنشىك ارىپتەستىكتى, اۋىل شارۋاشىلىعى سەكتورىن, سونداي-اق تاۋ-كەن جانە جەڭىل ونەركاسىپتى, گيدروەنەرگەتيكانى جانە باسقا دا ءوزارا مۇددەلى ونەركاسىپ سالالارىن دامىتۋعا باعىتتالعان بىرلەسكەن جوبالاردى جۇزەگە اسىرۋعا مۇددەلى ەكەنىن اتاپ ءوتتى.
