توكيودا وتەتىن بوكس كەشى تۋرالى اقپارات تاراعان ساتتە-اق جاپون جىگىتى ءۇنسىز قالعان جوق.
«گەننادي گولوۆكين – مەن بارىنەن جوعارى قوياتىن جانە قاتتى قۇرمەتتەيتىن بوكسشى. الەمگە ءوزىمنىڭ مىقتى ەكەنىمدى دالەلدەۋ ءۇشىن ونى جەڭۋىم كەرەك. وسى جەكپە-جەككە كەلىسىم بەرگەنى ءۇشىن وعان زور قۇرمەتىمدى بىلدىرەمىن», دەدى ريوتا.
29 جەلتوقسان كۇنى توكيودا وتەتىن بۇل جەكپە-جەكتى الەمنىڭ 200-دەن استام مەملەكەتى تىكەلەي ەفيردەن كورسەتپەك. الايدا ازىرگە قازاقستاندىق قاي تەلەارنا بوكس كەشىن جانكۇيەرلەر نازارىنا ۇسىناتىنى بەلگىسىز.
29 جەلتوقسان كۇنى جاپون بوكسشىسى WBA Super, گەننادي گولوۆكين IBF جانە IBO بەلبەۋلەرىن باسكە تىگەدى. وتانداسىمىز 2020 جىلدىڭ جەلتوقسانىنان كەيىن ءبىرىنشى رەت رينگكە كوتەرىلسە, مۋراتا 2019 جىلدان كەيىن العاش رەت شارشى الاڭعا شىقپاق.
