قورداي اۋدانىنىڭ گۆاردەيسكي كەنتىندە ۇكىمەت باسشىسى قر بعم بيولوگيالىق قاۋىپسىزدىك پروبلەمالارى عىلىمي-زەرتتەۋ ينستيتۋتىنىڭ (عزي) يممۋنوبيولوگيالىق پرەپاراتتار شىعاراتىن بيوفارماتسەۆتيكالىق زاۋىتىندا بولدى. مۇندا جىل سايىن 60 ملن. دوزاعا دەيىن ۆاكتسينا شىعارۋ جوسپارلانىپ وتىر.
پرەمەر-مينيستر BSL-3 ستاندارتىنداعى سۋبستانتسيالار وندىرەتىن زاۋىتتىڭ وندىرىستىك قۋاتىن دامىتۋ جوبالارىمەن, سونداي-اق عزي-دىڭ تۇرعىن ءۇي جانە الەۋمەتتىك-مادەني ينفراقۇرىلىمىمەن تانىستى.
بايزاق اۋدانى جاڭاتۇرمىس اۋىلدىق وكرۋگىنىڭ قاينار اۋىلىندا ۇكىمەت باسشىسىنا بيىلعى 26 تامىزدا وق-ءدارى قويماسىنداعى جارىلىس سالدارىنان قيراعان بارلىق تۇرعىن ءۇيدى قالپىنا كەلتىرۋ جۇمىستارىنىڭ اياقتالعانى تۋرالى باياندالدى. پرەمەر-مينيستر زاقىمدانعان ۇيلەردىڭ تۇرعىندارىمەن كەزدەسۋ وتكىزدى.
ا.مامين بايزاق اۋدانىنداعى شارۋا قوجالىقتارىنىڭ ءبىرىنىڭ استىق جيناۋ ناۋقانىنىڭ قورىتىندىلارىمەن تانىسىپ, «جامبىل» كوتەرمە-تاراتۋ ورتالىعىنا, الەۋمەتتىك ازىق-ت ۇلىك دۇكەنىنە بارىپ, جامبىل وبلىسىندا شىعارىلاتىن ازىق-ت ۇلىك ونىمدەرىنىڭ كورمەسىن ارالادى. ۇكىمەت باسشىسىنا وڭىردەگى الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ تۇراقتىلىعىن قامتاماسىز ەتۋ جونىندەگى شارالار تۋرالى باياندالدى.
شۋ اۋدانىنداعى «تاراز حيميالىق پاركى» ارنايى ەكونوميكالىق ايماعىن ارالاۋ بارىسىندا ۇكىمەت باسشىسىنا حيميا جانە ازىق-ت ۇلىك ونەركاسىبىندەگى جالپى سوماسى 143,3 ملرد. تەڭگە بولاتىن پەرسپەكتيۆالى ينۆەستيتسيالىق جوبالار تانىستىرىلدى.
قۋاتى جىلىنا 25 مىڭ توننا ناتري ءتسيانيدىن ءوندىرۋ جونىندەگى جوبانى 2023 جىلدىڭ سوڭىنا دەيىن اياقتاۋ كوزدەلگەن. كاسىپورىن ءونىمى قر-نىڭ ىشكى قاجەتتىلىكتەرىن تولىق قامتاماسىز ەتەدى, سونداي-اق ورتالىق ازيا مەن ەاەو ەلدەرىنە ەكسپورتتالاتىن بولادى.
قازاقستاننىڭ اوك سالاسىنداعى ءىرى جوبالارىنىڭ ءبىرى – جىلىنا 148,8 مىڭ توننا اق قانت شىعاراتىن قانت زاۋىتىنىڭ سالىنۋى. ونى 2023 جىلى پايدالانۋعا بەرۋ جوسپارلانعان. جوبا تولىعىمەن ءوز شيكىزاتىمەن قامتاماسىز ەتىلەدى.
تاراز قالاسىندا ۇكىمەت باسشىسى مەديتسينالىق بۇيىمدار شىعاراتىن ء«امىر جانە د» جشس-دا بولدى. بيىلعى قازان ايىندا كاسىپورىن COVID-19 انتيگەنىن انىقتايتىن ەكسپرەسس-تەستتەر شىعارا باستادى. مۇندا ينفەكتسيالىق اۋرۋلاردى, كارديولوگيالىق ماركەرلەردى, ەسىرتكى زاتتارىن, اللەرگەندەردى جانە ت. ب. دياگنوستيكالاۋ ءۇشىن 200-دەن استام ەكسپرەسس-تەست اتاۋىن شىعارۋ جوسپارلانۋدا. وندىرىستىك قۋاتى جىلىنا 15 ملن ەكسپرەسس-تەست پەن 1,5 ملن باقىلاۋ ەرىتىندىسىن قۇرايدى.
ا. مامين «كونە تاراز» تاريحي-ەتنومادەني ورتالىعىنىڭ اينالاسىنداعى اۋماقتى رەكونسترۋكتسيالاۋ جوسپارىمەن, سونداي-اق تاراز قالاسىنىڭ تۇرعىن ءۇي, مەديتسينا, كولىك ينفراقۇرىلىمى مەن تىرشىلىكتى قامتاماسىز ەتۋ وبەكتىلەرىن دامىتۋ جوبالارىمەن تانىستى.
2021 جىلدىڭ 10 ايىندا جامبىل وبلىسىندا ونەركاسىپ ءوندىرىسىنىڭ كولەمى 491,1 ملرد تەڭگەنى قۇرادى, بۇل وتكەن جىلدىڭ سايكەس كەزەڭىمەن سالىستىرعاندا 5%-عا ارتىق. اۋىل شارۋاشىلىعىنىڭ جالپى ءونىم كولەمى 377,5 ملرد تەڭگەگە جەتتى (+0,1%). نەگىزگى كاپيتالعا سالىنعان ينۆەستيتسيالار ءوسىمى 11,1%-دى قۇرادى. قۇرىلىس كولەمى 7,3%-عا ءوستى, وڭىردە 535,9 مىڭ شارشى مەتر (+16,4%) تۇرعىن ءۇي پايدالانۋعا بەرىلدى.
جۇمىس ساپارىنا جامبىل وبلىسىنىڭ اكىمى بەردىبەك ساپارباەۆ, يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ, ەنەرگەتيكا ءمينيسترى ماعزۇم مىرزاعاليەۆ, دەنساۋلىق ساقتاۋ ءمينيسترى الەكسەي تسوي, مادەنيەت جانە سپورت ۆيتسە-ءمينيسترى ەرجان ەركىنباەۆ, «ازىق-ت ۇلىك كەلىسىم شارت كورپوراتسياسى» ۇك» اق باسقارما توراعاسى ساپارحان وماروۆ جانە ت. ب. قاتىستى.
