قازاقستان • 11 قاراشا، 2021

حالىقارالىق ۇيىمدار قۇتتىقتاۋى

27 رەت كورسەتىلدى

جاقىندا جالپىۇلتتىق حالىق ساناعىنىڭ نەگىزگى كەزەڭى اياقتالدى. بىرقاتار حالىقارالىق ۇيىمدار ۇلتتىق ستاتيستيكا بيۋروسىن دەرەكتەردى جيناۋ پروتسەسىنىڭ اياقتالۋىمەن قۇتتىقتادى، دەپ حابارلادى ۇلتتىق ستاتيستيكا بيۋروسىنىڭ ءباسپاسوز قىزمەتى.

اتاپ ايتقاندا، يسلام ىنتى­ماق­تاستىعى ۇيىمىنىڭ يسلام ەلدەرى ءۇشىن ستاتيستيكالىق، ەكونو­مي­كا­لىق جانە الەۋمەت­تىك زەرتتەۋ جانە وقى­تۋ ورتالى­عى­نىڭ باس ديرەكتورى نەبيل دابۋر قازاقستان ستا­تيس­­­­تيك­­تەرىن قۇتتىقتاي وتىرىپ، ىن­تى­­ماق­تاستىقتى كەڭەيتۋگە نيەت ءبىلدىردى.

«مەن سىزدەردى قازاقستاننىڭ ءۇشىنشى ۇلتتىق حالىق ساناعى­نىڭ تابىستى اياقتالۋىمەن قۇت­تىقتاعىم كەلەدى. وسى مۇم­كىن­دىكتى پايدالانا وتىرىپ، مەن SESRIC اتىنان بيۋرو باس­شى­لىعىنا SESRIC-ءتىڭ ستاتيس­تي­كالىق الەۋەتتى ارتتىرۋ جونىندەگى (STATCAB) باعدار­لاماسى شەڭبەرىندە يسلام ىنتى­ماقتاستىعى ۇيىمىنا مۇشە باسقا ەلدەرمەن ءوزىنىڭ تەحني­كالىق ستاتيس­تيكا­لىق تاجى­ري­بەسىمەن الماس­قا­نى جانە قوسقان قۇندى ۇلەسى ءۇشىن ريزا­شىلىعىمدى بىلدىرگىم كەلە­دى. ءبىزدىڭ ەكى مەكەمە اراسىنداعى ىن­تى­ماقتاستىقتى كەڭەيتۋدى اسىعا كۇتە­مىن»، دەپ اتاپ ءوتتى نەبيل دابۋر.

بۇۇ بوسقىندار ىستەرى جونىن­دەگى جوعارعى كوميسسارى­نىڭ ورتالىق ازيا بويىنشا وكىلىنىڭ ورىنباسارى دۋ­ميت­رۋ ليپكانۋ ينكليۋزيۆتى قوعام­دى دامىتۋداعى ەلىمىزدىڭ جەتىس­تىكتەرىنە ەرەكشە توقتالدى.

«بۇۇ بجكب سىزدەردى قازاق­ستان رەسپۋبليكاسىنداعى ۇلتتىق ساناقتىڭ تابىستى اياقتالۋىمەن شىن جۇرەكتەن قۇتتىقتايدى! ءبىز قازاقستاننىڭ ۇلتتىق ستاتيستيكا بيۋروسىنىڭ 2021 جىلعى حالىق ساناعىنىڭ تولىعىمەن ينكليۋزيۆتى بولۋىنا باعىتتاعان كۇش-جىگەرىن قولدايمىز جانە قازاقستاننىڭ وسى ماقساتقا قول جەتكىزگەن جەتىستىگىن كۋا­لان­دىرۋعا قۋانىشتىمىز»، دەلىنگەن حاتتا.

تمد مەملەكەتارالىق ستاتيس­تيكا كوميتەتىنىڭ توراعا­سى ۆلادي­مير سوكولين قازاقستان­نىڭ حالىق ساناعى شەڭبەرىندە دەرەك­تەر­دى جيناۋداعى تەحنولو­گيا­لىق پرو­گرەسىن ەرەكشە اتاپ ءوتتى. ۆ.سوكو­لين بۇ­عان دەيىن ەلى­­مىزدە بولىپ، جۇر­گىزى­لىپ جات­­قان ۇيىمداستىرۋ­شى­لىق جۇ­مىس­تارمەن جەكە تانىسقان بولاتىن.

«حالىق ساناعى ەندى عانا اياق­تالدى، بىراق قازىردىڭ وزىندە العاش­قى ناتيجەلەردى شى­عارا بەرۋگە بولادى. قازاق­ستان رەسپۋبليكاسىندا حالىق سانا­عى پلانشەتتەر مەن ينتەر­نەتتى پايدالانۋ ارقىلى ال­عاش رەت ەلەكتروندى تۇردە جۇر­گىزىلدى. حالىقتىڭ 40 پايىزدان استامى ينتەرنەت بويىن­شا ساناق پاراقتارىن ءوز بەتىن­شە تولتىرىپ، ساناققا قاتىس­تى. حالىقتىڭ وسىنداي جو­عارى قىزىعۋشىلىعى ساناق قار­ساڭىندا وتكىزگەن ۇلكەن اق­پاراتتىق دايىندىق جۇمىسىنىڭ ناتيجەسى. قىمباتتى ارىپتەستەر! ساناق اياقتالدى، بىراق جۇمىس جال­عاسۋدا. الدا ناتيجەلەردى شىعا­رۋعا جانە جاريالاۋعا بايلانىس­تى ماڭىزدى كەزەڭ بار. شىن جۇرەك­تەن تابىس تى­لەيمىن جانە قازاق­ستان رەسپۋبلي­كاسىن­داعى ءۇشىنشى ۇلتتىق حالىق ساناعىنىڭ ناتيجە­لەرىن كۇتەمىز»، دەدى ۆ.سوكولين.

بۇۇ-نىڭ قازاقستانداعى تۇرعىن حالىقتىڭ قونىستانۋى سالاسىنداعى قورى دا (يۋنفپا) ءوزىنىڭ قۇتتىقتاۋ حاتىن جولدادى.

«سىزدەردى بۇۇ ۇسىنىم­دارى­نا سايكەس ەكى جاھاندىق راۋند شەڭ­بەرىندە وتكىزىلگەن حالىق سانا­­عىنىڭ ءساتتى اياقتالۋىمەن قۇت­تىق­­تايمىز. يۋنفپا ۇلت­تىق ستاتيس­­­تيكا بيۋروسىنا وسى زەرت­تەۋ­لەر­دى جۇرگىزۋدەگى ىنتى­ماق­تاستى­عى ءۇشىن ءوز ريزاشى­لىعىن بىلدى­رەدى!»، دەپ اتاپ ءوتتى يۋنفپا-نىڭ قازاق­­­ستانداعى اتقارۋشى وكىلى رايىمبەك سيسەماليەۆ.

سونداي-اق قۇتتىقتاۋ حاتتار دۇنيەجۇزىلىك بانك پەن بۇۇ دامۋ باعدارلاماسىنىڭ تۇراقتى وكىلدىگى اتىنان دا كەلدى.

سوڭعى جاڭالىقتار

سىردىڭ سۋى تومەندەپ بارادى

ايماقتار • بۇگىن، 17:27

دوللار ارزاندادى

قارجى • بۇگىن، 16:56

الماتى ماڭىندا جەر سىلكىندى

ايماقتار • بۇگىن، 16:38

قازاقستاندا ەت قىمباتتادى

قوعام • بۇگىن، 15:10

ەلىمىزدە كيىك سانى كوبەيىپ كەلەدى

قازاقستان • بۇگىن، 14:41

ۇقساس جاڭالىقتار