پرەزيدەنت • 10 قاراشا، 2021

پرەزيدەنت جولداعان حات

826 رەت كورسەتىلدى

ەل پرەزيدەنتى قاسىم-جومارت توقاەۆتان اتىراۋلىق ستۋدەنت اباي نۇرسۇلتانوۆتىڭ اتىنا حات كەلدى. حاتتى شەتەلدىك وقۋ ورنىندا ءبىلىم الىپ جۇرگەن ورەنگە اتىراۋ وبلىسىنىڭ اكىمى ماحامبەت دوسمۇحامبەتوۆ تاپسىردى.

اباي نۇرسۇلتانوۆ 2016 جى­لى اتى­راۋ قالاسىنداعى №38 مەكتەپ-ليتسەيدىڭ 9-سىنىبىن ءبىتىرىپ، 2017 جىلى چەح رەسپۋب­لي­كا­سىنداعى كوللەدجگە وقۋعا تۇس­كەن. قازىر ول – چەحيالىق كوللەدج­دەگى حالىقارالىق قاتىناستار فاكۋلتەتىنىڭ 4-كۋرس ستۋدەنتى. بيىلعى اقپاننان بەرى ءدارىستى قاشىقتان الىپ وتىر. ول جاقىندا پرەزيدەنتكە حات جازعان ەكەن.

مەملەكەت باسشىسىنىڭ حا­تىندا «قۇرمەتتى اباي! تاۋەل­سىز­دىك جىلدارىندا بىزدە بەل­سەن­دى ومىرلىك ۇستانىمى مەن وزىنە سەنىمى بار، ايقىن ماقسات­قا ۇمتىلعان جاستاردىڭ، پات­ريوت­تاردىڭ تۇتاس بۋىنى قالىپ­تاستى. ءدال ءسىزدىڭ بۋىن – ءبىزدىڭ قاسيەتتى تاۋەلسىزدىگىمىزدىڭ جارقىن سيمۆولى. وقۋىڭدى اياق­تا­عاننان كەيىن العان ءبىلىمىڭدى وتانى­مىز­دىڭ يگىلىگى ءۇشىن لايىقتى پايدا­لا­ناتىنىڭا سەنەمىن» دەلىنگەن حاتتا.

ستۋدەنتتىڭ ايتۋىنشا، مەملەكەت باسشىسىنا حات جازۋىنا ەلدىڭ ەكونوميكالىق وركەندەۋى مەن جاستارعا كورسەتىلىپ وتىرعان قولداۋ ىقپال ەتكەن. بىراق حاتىنا جاۋاپتى تەز كەلەدى دەپ ويلاماعان.

– مەنىڭ جازعان حاتىم مەملەكەت باسشىسىنا جەتپەيتىن شىعار دەپ ويلاپ ەدىم. الايدا جاۋاپ حات كەلگەندە، قاتتى تولقىدىم. وسىنىڭ وزىنەن كەيىن ءار ادامنىڭ داۋىسى پرەزيدەنتكە جەتەتىنىنە سەنىمىم ارتا ءتۇستى. بۇل مەنى جىگەرلەندىرىپ، ەل يگىلىگىنە قىزمەت ەتۋگە ۇمتىلدىرىپ وتىر، – دەيدى اباي نۇرسۇلتانوۆ.

 

اتىراۋ وبلىسى

 

سوڭعى جاڭالىقتار

15169 ادام كوروناۆيرۋس جۇقتىردى

كوروناۆيرۋس • كەشە

ۇقساس جاڭالىقتار