وبلىستىق پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي, وقىس وقيعا 30 قازاندا بولعان. پوليتسياعا 1953 جىلعى ازاماتشا ساعات 15:00 شاماسىندا نەمەرەسىنىڭ توكقا تۇسكەنى جونىندە حابار بەرگەن.
كەيىن 10 جاسار بالانىڭ ويناپ ءجۇرىپ, توڭازىتقىشتىڭ ارتىنا تىعىلعانى انىقتالعان. سول كەزدە بالانى توك سوققان. توكقا ءتۇسىپ, كوز جۇمعان بالانىڭ اكەسى جەدەل جاردەم كەلگەن كەزدە بالانىڭ ءتىرى بولعانىن ايتىپ, پوليتسياعا شاعىم بەرگەن. ول جەدەل جاردەم بريگاداسىنىڭ قويعان دياگنوزىمەن كەلىسپەگەن.
«بالانىڭ اناسىنان 30 قازان ساعات 14.45-تە شاقىرتۋ ءتۇستى. بريگادا شاقىرتۋ تۇسكەن مەكەنجايعا ۋاقىتىندا كەلدى. بالاعا «جەدەل جاردەم كەلگەنگە دەيىنگى ءولىم» دياگنوزى قويىلدى. رەانيماتسيالىق شارالار الگوريتم بويىنشا كورسەتىلدى. تەرگەۋ ءجۇرىپ جاتقان كەزدە بريگادا ءوز اۋىسىمىندا جۇمىس ىستەيدى», دەپ ءمالىم ەتتى اتىراۋ وبلىستىق جەدەل جاردەم ستانساسىنىڭ ءباسپاسوز قىزمەتىنەن.
