جيىننىڭ مودەراتورى ءبىلىم جانە عىلىم مينيسترلىگى جوعارى جانە جوعارى وقۋ ورنىنان كەيىنگى ءبىلىم دەپارتامەنتى ديرەكتورىنىڭ ورىنباسارى بانۋ ناربەكوۆا ءسوز سويلەپ, بىلىكتى مامان دايارلاۋ ماسەلەسىنە توقتالىپ, ءبىلىم بەرۋ ىسىندە نازاردا ۇستايتىن باسىمدىقتارعا توقتالدى.
اباي اتىنداعى قازاق ۇلتتىق پەداگوگيكالىق ۋنيۆەرسيتەتىنىڭ رەكتورى دارحان ءبىلالوۆ ءبىلىم بەرۋ سالاسى ءۇشىن كادر دايارلاۋدىڭ وزەكتىلىگى, ۋنيۆەرسيتەتتەگى ءبىلىم بەرۋ باعدارلامالارى تۋرالى ايتىپ ءوتتى.
ءىس-شارا بارىسىندا ەلىمىزدە ارنايى پەداگوگتاردى دايارلاۋدىڭ الدىندا تۇرعان سىن-قاتەرلەر, ءبىلىم بەرۋ باعدارلامالارى, عىلىمي-ادىستەمەلىك قامتاماسىز ەتۋ, جۇمىسقا ورنالاستىرۋ, سونىمەن قاتار اۋتيزم جانە مەنتالدى اۋىتقۋشىلىعى بار بالالاردى قولداۋ جونىندەگى جوبالىق توپتىڭ جۇمىسىنا قاتىستى ماسەلەلەر ايتىلدى.
اباي اتىنداعى قازۇپۋ پەداگوگيكا جانە پسيحولوگيا ينستيتۋتىنىڭ ديرەكتورى عاليا اباەۆا, اقىل-ەسىنىڭ نەمەسە بوي-ءبىتىمىنىڭ جەتىلۋىندە كەمىستىگى بار بالالار مەن جاسوسپىرىمدەردى الەۋمەتتىك بەيىمدەۋ جانە كاسىبي ەڭبەكپەن وڭالتۋ ورتالىعىنىڭ باس ديرەكتورى روزا سۇلەيمەنوۆا, قازۇقىزپۋ پەداگوگيكا جانە پسيحولوگيا ينستيتۋتىنىڭ ديرەكتورى گۇلجان ورازاەۆا, اباي اتىنداعى قازۇپۋ بازاسىنداعى جوو ينكليۋزيۆتى ءبىلىم بەرۋ بويىنشا رەسۋرستىق كەڭەس بەرۋ ورتالىعىنىڭ ديرەكتورى زۋلفيا موۆكەباەۆا, ارنايى جانە ينكليۋزيۆتى ءبىلىم بەرۋدى دامىتۋدىڭ ۇلتتىق عىلىمي-پراكتيكالىق ورتالىعىنىڭ ديرەكتورى ءايگەرىم كۋدەرينوۆا, اۋتيزم جانە باسقا دا مەنتالدى اۋىتقۋشىلىعى بار بالالاردى قولداۋ جۇيەسىن قۇرۋ بويىنشا جوبالىق توپتىڭ ۇيلەستىرۋشىسى اسەل ءجۇنىسوۆا بايانداما جاسادى. قاتىسۋشىلار پىكىر الماسىپ, ءناتيجەسىندە ارنايى پەداگوگتاردى دايارلاۋدى جەتىلدىرۋ جونىندەگى ءىس-شارالار جوسپارى بەكىتىلدى جانە جوعارى وقۋ ورىندارى ءۇشىن ۇسىنىمدار ازىرلەندى.
جيىنعا ەلىمىزدىڭ جوعارى وقۋ ورىندارىنىڭ ماماندارى, جۇمىس بەرۋشىلەر قاۋىمداستىعىنىڭ وكىلدەرى ونلاين رەجءىمدە قاتىستى.
